गाईको मासुसहित बाँकेमा दुई जना पक्राउ- लुम्बिनी - कान्तिपुर समाचार

गाईको मासुसहित बाँकेमा दुई जना पक्राउ

रुपा गहतराज

नेपालगन्ज — गाईको मासुसहित बाँकेमा दुई जना पक्राउ परेका छन् । गाई काट्दै गरेको सूचनाको आधारमा गएको प्रहरी टोलीले नेपालगन्ज उपमहानगरपालिका १७ थुकैलाका ४६ वर्षीय सलाउद्दिन जोलाहा र ५३ वर्षीय ओलिद्दिन जोलाहालाई गाईको मासुसहित मंगलबार पक्राउ गरेको बाँके प्रहरीले जनाएको छ ।

उनीहरुको साथबाट मासु काट्न प्रयोग हुने औजारसहित करिब एक क्विन्टल गाईको मासु बरामद भएको प्रहरीले जनाएको छ ।

उनीहरुलाई नियन्त्रणमा लिई आवश्यक अनुसन्धान भइरहेको र गाईको मासु नष्ट गरिएको प्रहरीले जनाएको छ ।


प्रकाशित : श्रावण १८, २०७९ २१:४०
प्रतिक्रिया
पठाउनुहोस्

सर्वसाधारण ठग्ने मेनपावर सञ्चालकविरुद्ध मुद्दा दायर

कान्तिपुर संवाददाता

काठमाडौँ — वैदेशिक रोजगार विभागले वैदेशिक रोजगारीमा पठाइदिने भन्दै ३८ सर्वसाधारणसँग झण्डै दुई करोड ठगी गरेको भन्दै मेरिगोल्ड ओभरसिज प्रालिका सञ्चालक र कर्मचारीविरुद्ध वैदेशिक रोजगार न्यायाधीकरणमा बुधबार मुद्दा दायर गरेको छ । 

सो मेनपावरका सञ्चालक र कर्मचारीले रोजगारीका लागि युक्रेनलगायतका देशमा पठाइदिन्छु भन्दै ३८ जनाबाट रु एक करोड ८६ लाख १५ हजार २०० लिई रोजगारीमा नपठाई ठगी गरेको विभागले जनाएको छ । आफूहरु वैदेशिक रोजगारीका क्रममा ठगिएको भन्दै पीडितहरुले विभाग उजुरी दिएका थिए ।

मेनपावर सञ्चालक रवीन्द्रकुमार श्रेष्ठ, भवानीप्रसाद कोइराला र यामबहादुर कार्की तथा कर्मचारी अमिर थुलुङले वैदेशिक रोजगार ऐन, २०६४ को दफा ४४ तथा गणेशप्रसाद मैनाली, सुरज कार्की र दिपेश गुप्ताले ऐनको दफा ४३ बमोजिम कसुर गरेकाले उनीहरुविरुद्ध ठगी गरेको एक करोड ८६ लाख १५ हजार २०० र सोको ५० प्रतिशत हर्जाना भराउन माग दाबी गर्दै मुद्दा दायर गरिएको विभागका निर्देशक कृष्णप्रसाद भुसालले जानकारी दिए ।


प्रकाशित : श्रावण १८, २०७९ २१:३३
पूरा पढ्नुहोस्
प्रतिक्रिया
पठाउनुहोस्
×