दानमा रमाएको दम्पती

०६७ सालमा तत्कालीन महिला, बालबालिका तथा समाज कल्याणमन्त्री सर्वदेव ओझाको आग्रहमा जयकेशले जग्गा दिने प्रस्ताव गरेका थिए ।

त्यतिबेला उनले डुडुवा–६ स्थित चार बिघा जग्गा सरकारको नाममा पास गरिदिए । उक्त जग्गामा सरकारले ‘जयन्दु बालसुधार गृह’ स्थापना गर्‍यो । पछिल्लोपटक डुडुवा–६ मै रहेको घरसहितको १० कट्ठा जग्गा मानव सेवा आश्रमलाई दान गरेका छन् । आश्रमले मुलुकका विभिन्न ठाउँमा गरेको काम देखेर जग्गा दान गरेको उनले बताए ।

‘थुप्रै दुःखी पीडितले सेवा पाउने देखेर जग्गा दान गरेको हुँ,’ उनले भने । अहिले नेपालगन्ज–९ मा घरबाहेक अरू सम्पत्ति नरहेको जयकेशले दाबी गरे । पत्नी इन्दुले पनि धेरै मानिसका लागि उपयोगी हुने गरी जग्गा दान गर्न पाएकोमा खुसी व्यक्त गरिन् ।