पाल्पा र गुल्मीका ६६ शिक्षक सम्मानित - लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

पाल्पा र गुल्मीका ६६ शिक्षक सम्मानित 

कान्तिपुर संवाददाता

पाल्पा — सामाजिक विकास डिभिजन कार्यालयले पाल्पा र गुल्मी जिल्लाका ६६ शिक्षकलाई शनिबार सम्मान गरेको छ । पाल्पाका १० पालिकाका ३० र गुल्मीका १२ पालिकाका ३६ जना शिक्षकलाई उत्कृष्ट शिक्षक सम्मान गरिएको हो ।

उत्कृष्ट शिक्षकलाई जिल्ला समन्वय समितिका प्रमुख टंकनाथ खनाल, शिक्षा, विज्ञान, युवा तथा खेलकुद मन्त्रालयका लुम्बिनी प्रदेश सचिव कृष्णप्रसाद पन्त, पाल्पाका प्रमुख जिल्ला अधिकारी जगन्नाथ पन्त, शिक्षा निर्देशक मनोज गैरे, डिभिजन प्रमुख हरिलाल अर्यालले प्रमाणपत्र, नगद १० हजार, दोसल्ला ओढाएर सम्मान गरे ।

सोही अवसरमा कार्यालयले पाल्पा र गुल्मीका एक/एक उत्कृष्ट विद्यालय छनोट गरेर सम्मान तथा पुरस्कार दिएको छ । पाल्पाको रामपुर नगरपालिकास्थित रामतुल्सी मावि र गुल्मीको तम्घासस्थित रेसुङ्गा माविलाई उत्कृष्ट विद्यालयका रुपमा सम्मान गरेको सामाजिक विकास डिभिजन कार्यालयले जनाएको छ । उत्कृष्ट विद्यालयलाई नगद २ लाख ५० हजार रुपैयाँ प्रदान गरिएको छ ।

लुम्बिनी प्रदेश सरकारअन्तर्गत सामाजिक विकास डिभिजनले हरेक वर्ष शिक्षक र विद्यालयलाई सम्मान गर्दै आएको छ ।

प्रकाशित : श्रावण १, २०७९ ११:०२
प्रतिक्रिया
पठाउनुहोस्

गभर्नरविरुद्धको प्रदर्शनमा प्रहरी हस्तक्षेपपछि झडप [तस्बिरहरु]

तस्बिर : केशव थापा

काठमाडौँ — राष्ट्र बैंकका गभर्नर महाप्रसाद अधिकारीविरुद्ध आन्दोलित विद्यार्थी र प्रहरीबीच बालुवाटारमा झडप भएको छ । विवादित गभर्नर अधिकारीको राजीनामा माग गर्दै आइतबार बालुवाटारस्थित नेपाल रास्ट्र बैंकको गेटमा घेराउ गर्न पुगेका सत्तारुढ दल नेपाली कांग्रेस र माओवादी केन्द्र निकट नेविसंघ र अखिल (क्रान्तिकारी)का विद्यार्थीमाथि प्रहरीले हस्तक्षेप गरेको हो । उनीहरुले निषेधित क्षेत्र तोडेपछि सामान्य झडप भएको हो । त्यसक्रममा केही प्रदर्शनकारीलाई प्रहरीले नियन्त्रणमा लिएको छ ।

दलीय सलंग्नता र शैक्षिक योग्यता समेतका विषयहरुमा प्रश्न उठेको भन्दै युवा विद्यार्थी संगठनहरुले गभर्नर अधिकारीलाई कार्यालय प्रवेशमा रोक लगाउने उद्देश्यले प्रदर्शन गरेका हुन् । गभर्नर अधिकारी नेकपा एमालेको अर्थ तथा योजना विभागका सदस्य भएको सार्वजनिक भएसँगै अधिकारीको नियुक्तिबारे बहस र आलोचना सुरु भएको हो । अधिकारीको नियुक्ति 'राजनीतिक संलग्नता नभएको स्वतन्त्र व्यक्तिमात्र गभर्नर हुनसक्ने प्रावधान' विपरीत भएको खुलेको भएको भन्दै युवा विद्यार्थी संगठनहरुले विरोधलाई जारी राखेका छन् ।


प्रकाशित : श्रावण १, २०७९ १०:५३
पूरा पढ्नुहोस्
प्रतिक्रिया
पठाउनुहोस्
x
×