प्यूठानमा चट्याङ लागेर घाइते भएका दुई बालककाे मृत्यु- लुम्बिनी - कान्तिपुर समाचार

प्यूठानमा चट्याङ लागेर घाइते भएका दुई बालककाे मृत्यु

शमशेरविक्रम जीसी

प्यूठान — सोमबार राति परेकाे चट्याङ लागेर घाइते भएका ऐरावती गाउँपालिका-६ बिजुलीकाेटका दुई बालकको मृत्यु भयकाे छ ।

चट्याङ लागेर घाइते भएका दुवै जनालाई उपचारका लागि जिल्ला अस्पताल बिजुवार लगिएकाे र उनीहरूकाे उपचारकै क्रममा मृत्यु भएकाे जिल्ला अस्पताल प्यूठानलाई उद्दृत गर्दै ऐरावती गाउँपालिका अध्यक्ष नबिलविक्रम शाहले जानकारी दिए ।

मृत्यु हुनेमा ऐरावती गाउँपालिका -६ का ७ वर्षीय राेमन परियार र १२ वर्षीय किरण परियार रहेका छन् । चट्याङ लागेर ऐरावतीकाे वडा न-६ का ६ जना र वडा नं-१ का ४ जना घाइते छन् । उनीहरूकाे जिल्ला अस्पतालमा उपचार हुँदै छ ।

प्रकाशित : असार २१, २०७९ ०९:२४
प्रतिक्रिया
पठाउनुहोस्

प्यूठानमा चट्याङ : दुई बालक गम्भीर घाइते

११ जना घाइते
शमशेरविक्रम जीसी

प्यूठान — सोमबार रातिको अविरल वर्षासँगै परेको चट्याङले प्यूठानमा ११ जना घाइते भएका छन् ।

जिल्लाकाे ऐरावती गाउँपालिका-६ बिजुलीकाेटमा चट्याङ पर्दा पाँच जना घाइते भएका हुन् । घाइते हुनेहरूमा स्थानीय ७ वर्षीय राेमन परियार, १२ वर्षीय किरण परियार गम्भीर घाइते भएका छन् । त्यस्तै अरू पाँच जना पनि घाइते भएका छन् । घाइते हुनेमा दिपक परियार, सपना परियार, सुवर्ण परियार, एलिसा परियार, सगुन परियार पनि घाइते भएकाे वडा अध्यक्ष भरत खड्काले जानकारी दिए ।

यस्तै, ऐरावती गाउँपालिका वडा न-१ दाङवाङमा पनि सोमबार राति चट्याङ पर्दा चार जना घाइते भएका छन् । घाइते हुनेमा एकै घरका तीन जना पनि रहेका छन् । घाइते हुनेमा पबी नेपाली, लिला नेपाली, अञ्जली नेपाली र सीता नेपाली घाइते भएकाे ऐरावती गाउँपालिका अध्यक्ष नबिलविक्रम शाहले जानकारी दिए । बिहान साढे तीन बजेतिरकाे समयमा चट्याङ परेकाे थियाे । घाइते सबैलाई उपचारका लागि बिजुवार पठाइएकाे छ ।

प्रकाशित : असार २१, २०७९ ०८:२२
पूरा पढ्नुहोस्
प्रतिक्रिया
पठाउनुहोस्
×