कपिलवस्तु अब सांस्कृतिक नगरपालिका

‘विश्वमै शान्तिका अग्रदूत भगवान् गौतम बुद्ध कपिलवस्तुमा हुर्के/बढे,’ नगर प्रमुख सुदीप पौडेलले भने, ‘त्यसलाई संस्थागत रूपमा पालिकाको नाममै बुद्धको पहिचान स्थापित गर्न यस्तो निर्णय गरिएको हो ।’

कपिलवस्तु नगरपालिकाले नाम परिवर्तनका लागि संघीय मामिला मन्त्रालयमा लेखी पठाएको छ । मन्त्रालयबाट मन्त्रिपरिषद् बैठकमा प्रस्ताव जानेछ । त्यहाँबाट निर्णय भएर आएपछि नाम परिवर्तन हुने प्रमुख प्रशासकीय अधिकृत शेषकान्त पौडेलले बताए ।