जंगली च्याउ खाँदा बुटवलमा १५ जना बिरामी- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

जंगली च्याउ खाँदा बुटवलमा १५ जना बिरामी

कान्तिपुर संवाददाता

बुटवल — विषालु च्याउको सेवनबाट बुटवलमा १५ जना बिरामी परेका छन् । विषालु च्याउ खाँदा बुटवल उपमहानगरपालिका–१२ नयाँगाउँका छ, वडा नं ४ लक्ष्मीनगरका सात र वडा नं १३ बेलबासका दुई जना बिरामी भएका हुन् ।

इलाका प्रहरी कार्यालय बुटवलका प्रमुख ठगबहादुर केसीका अनुसार जंगलबाट ल्याएको च्याउ खाँदा बुटवल उपमहानगरपालिका–१२ नयाँगाउँका २८ वर्षीया रिना विक, २८ वर्षीया कमला विक, आठ वर्षीया सुप्रिया विक, ३८ वर्षीय विष्णु विक, ३३ वर्षीया दुर्गा विक र ५० वर्षीय हुमबहादुर विक बिरामी भएका छन् ।

यसैगरी बुटबल–४ लक्ष्मीनगर बस्ने ६२ वर्षीया हिमाकुमारी छन्त्याल, वर्ष ६२ कै गौरीमाया सेन, ६५ वर्षीया दीपा सेन, १४ वर्षीय यथार्थ जिसी, ४२ वर्षीया मञ्जु सेन, ६४ वर्षका हरि सेन र ३७ वर्षका प्रकाश सेन बिरामी भएका छन् ।

यसैगरी बेलबास शान्तिचोकका ४५ वर्षीया पेमा थापा, ४३ वर्षीया सुशीला रोका, २८ वर्षीया रिमा विक, २८ वर्षीया कमला विक, आठ वर्षकी सुप्रिया विक, ३८ वर्षीय विष्णु विक र ३३ वर्षीया दुर्गा विक, ५० वर्षीय हुमबहादुर विक बिरामी भएको प्रहरीले जनाएको छ ।

बिरामीकोे लुम्बिनी प्रादेशिक अस्पतालमा उपचार भइरहेको छ । उनीहरूमध्ये पाँच जनाको आईसीयूमा उपचार भइरहेको र अवस्था गम्भीर रहेको इलाका प्रहरी कार्यालय बुटवलका प्रमुख केसीले जानकारी दिए ।

प्रकाशित : असार १६, २०७९ १२:१७
प्रतिक्रिया
पठाउनुहोस्

रुपन्देहीमा एक युवक मृत फेला

सन्जु पौडेल

तिलोत्तमा — रुपन्देहीको सैनामैना-१ बोलबम मार्गमा एक युवक मृत अवस्थामा फेला परेका छन् । बोलबम मार्गदेखि करिब ५० मिटर उत्तरतर्फ सडक छेउमा साइकलसँगै लडेको अवस्थामा फेला परेपछि स्थानीयले प्ररीलाई खबर गरेका थिए । 


ईलाका प्रहरी कार्यालय रन्यौरा मुर्गियाका प्रमुख जीवन लामिछानेका अनुसार बुधबार साँझ आफू बस्ने कोठामा जाँदै गर्दा सैनामैना-४ सदवोदराका ३० वर्षीय दिपक कुमालको बाटोमा लडेर मृत्यु भएको हो ।

घटनाको प्रकृति हेर्दा आफैं अनियन्त्रित भई सडक छेउमा लडेको देखिन्छ भने उनको निधारमा सामान्य चोटसमेत लागेको लामिछानेले बताए । शवलाई थव अनुसन्धानका लागि पोस्टमार्टम गर्न लुम्बिनी प्रादेशिक अस्पताल बुटवलमा ल्याइएको छ ।

सैनामैना–४ मा घर भएका उनी सैनामैनाकै वा नम्बर १ मा कोठा भाडामा बस्दै आएका थिए । परिवारका अनुसार बुधबार साँझ ९-१० बजेको समयमा कोठामा जानका लागि घरबाट हिँडेका थिए । घरमै मदिरा सेवन गरेका उनी बीच बाटोमा समेत थप मदिरा सेवन गर्दा घटना घटेको हुन सक्ने प्रहरीको प्रारम्भिक अनुमान छ ।

प्रकाशित : असार १६, २०७९ १२:००
पूरा पढ्नुहोस्
प्रतिक्रिया
पठाउनुहोस्
×