दुर्घटनामा मोटरसाइकल चालकको मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

दुर्घटनामा मोटरसाइकल चालकको मृत्यु

दुर्गालाल केसी

दाङ — दाङको घोराहीस्थित ट्रक र मोटरसाइकल ठोक्किँदा मोटरसाइकल चालकको मृत्यु भएको छ ।

घोराही–तुलसीपुर सडक खण्डअन्तर्गत घोराही उपमहानगरपालिका १० ग्वारखोला पुलमा बिहीबार राति रा १ क ४७३ नम्बरको ट्रकसँग रा ३ प १५३ नम्बरको मोटरसाइकल ठोक्किँदा मोटरसाइकल चालक घोराही १९ नयाँ बस्तीका २४ वर्षीय बागकुमार पुनको मृत्यु भएको हो ।

तुलसीपुरबाट घोराहीतर्फ जाँदै गरेको मोटरसाइकल बसलाई उछिन्ने क्रममा विपरीत दिशाबाट आइरहेको ट्रकसँग ठोक्किएर बसको टायरमुनि परेको थियो ।

दुर्घटनापछि बस र ट्रक चालकलाई नियन्त्रणमा लिएर घटनाबारे अनुसन्धान गरिरहेको जिल्ला प्रहरी कार्यालय दाङले जानकारी दिएको छ ।

प्रकाशित : जेष्ठ १३, २०७९ १४:३३
प्रतिक्रिया
पठाउनुहोस्

आगलागी नियन्त्रणसँगै खुल्यो मुग्लिन-नारायणगढ सडक

रमेशकुमार पौडेल

काठमाडौँ — ग्यास बुलेटमा भएको आगलागी नियन्त्रणमा आएसँगै मुग्लिन-नारायणगढ सडक खुलेको छ । आगो नियन्त्रणमा आएसँगै दुवैतर्फका गाडीहरू गुड्न थालेको प्रहरी प्रवक्ता डीएसपी नरहरि अधिकारीले जानकारी दिए ।

मुग्लिन-नारायणगढ सडकखण्डस्थित पन्ध्रकिलो भन्ने ठाउँमा भारतको उडिसाबाट धादिङ आउँदै गरेको ग्यास बुलेट बिजुलीको पोलमा ठोक्किएर आगलागी भएको थियो ।

यूपी १७ एटी ८६२७ नम्बर प्लेटको भारतीय ग्यास बुलेटमा आगलागी भएको थियो । आगो दिउँसो साढे १ बजे नियन्त्रणमा आएपछि सवारीसाधन चल्न सुरु गरेको प्रहरीले जनाएको छ ।

प्रकाशित : जेष्ठ १३, २०७९ १४:२३
पूरा पढ्नुहोस्
प्रतिक्रिया
पठाउनुहोस्
×