खाेलामा डुबेर दुई जनाकाे मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

खाेलामा डुबेर दुई जनाकाे मृत्यु

वीरेन्द्र केसी

अर्घाखाँची — माछा मार्ने क्रममा काका भतिजकाे खाेलामा डुबेर दुई जनाकाे मृत्यु भएको छ । शितगंगा नगरपालिका-७ र ९ काे सीमानामा पर्ने शितखाेलामा प्युठान नाैबहिनी गाउँपालिका-८ फाेप्लीका ५० वर्षीय नुमाराम घर्ती र उनका दाइका छाेरा १२ वर्षीय समुलाल घर्तीकाे मृत्यु भएको प्रहरीले जनाएको छ ।

उनीहरू अर्घाखाँची न्वारनकाे भाेज खान आएका थिए । शितगंगा नगरपालिका-९ औलेका हिरा घर्ती पल्लीकाे छाेरीकाे न्वारनकाे भाेज खाएपछि उनीहरू शनिबार खाेलामा माछा मार्न खाएका थिए ।

त्यही क्रममा खाेलामा डुबेर मृत्यु भएको प्रहरी नायब उपरीक्षक अम्मर थापाले बताए । शवकाे जिल्ला अस्पतालमा पाेष्टमाटमपछि आफन्तलाई बुझाइएकाे उनले बताए ।

प्रकाशित : जेष्ठ ८, २०७९ १५:०३
प्रतिक्रिया
पठाउनुहोस्

सप्तरीको डाक्नेश्वरीमा एमाले विजयी

अवधेशकुमार झा

राजविराज — सप्तरी जिल्लाको डाक्नेश्वरी नगरपालिकाको नगरप्रमुखमा नेकपा एमालेका रामलखन मलाह निर्वाचित भएका छन् । यस्तै नगर उपप्रमुखमा पनि एमालेकी मिराकुमारी यादव निर्वाचित भएकी छन् । 

अन्तिम मत परिणामअनुसार नगर प्रमुखमा निर्वाचित एमालेका मलाहले ५ हजार ८ सय ५४ मत प्राप्त गरेका छन् । उनका निकटतम प्रतिद्वन्द्वी नेपाली कांग्रेसका नारायण यादवले ५ हजार ३ सय ९६ मत प्राप्त गरे ।

यस्तै नगर उपप्रमुखमा निर्वाचित एमालेकी मिराकुमारी यादवले ६ हजार १ सय ९७ मत प्राप्त गरेकी छन् । निकटतम प्रतिद्वन्द्वी जसपाकी इन्दुदेवी यादवले ५ हजार २ सय ९ मत प्राप्त गरेकी छन् ।

डाक्नेश्वरीको नतिजासमेत सप्तरीमा कुल १८ मध्ये १७ स्थानीय तहको मतगणना सकिएको छ । रुपनी गाउँपालिकाको मतगणनासमेत अन्तिम चरणमा रहेको मुख्य निर्वाचन अधिकृतको कार्यालयले जनाएको छ ।

प्रकाशित : जेष्ठ ८, २०७९ १५:०२
पूरा पढ्नुहोस्
प्रतिक्रिया
पठाउनुहोस्
×