माछा मार्न गएका काका–भतिजको खाेलामा डुबेर मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

माछा मार्न गएका काका–भतिजको खाेलामा डुबेर मृत्यु

वीरेन्द्र केसी

अर्घाखाँची — माछा मार्ने क्रममा काका–भतिजकाे खाेलामा डुबेर मृत्यु भएको छ । शितगंगा नगरपालिका वडा ७ र ९ काे सीमानामा पर्ने शितखाेलामा प्युठान नाैबहिनी गाउँपालिका–८ फाेप्लीका ५० वर्षीय नुमाराम घर्ती र उनका दाइका छाेरा १२ वर्षीय समुलाल घर्तीकाे मृत्यु भएको प्रहरीले जनाएको छ ।

उनीहरू अर्घाखाँचीमा न्वारनकाे भाेज खान आएका थिए । शितगंगा नगरपालिका-९ औलेका हिरा घर्ती पल्लीकाे छाेरीकाे न्वारनकाे भाेज खाएपछि उनीहरू शनिबार खाेलामा माछा मार्न खाएका थिए । त्यही क्रममा खाेलामा डुबेर मृत्यु भएको प्रहरी नायब उपरीक्षक अम्मर थापाले बताए ।

जिल्ला अस्पतालमा शवकाे पाेष्टमार्टमपछि आफन्तलाई बुझाइएकाे उनले बताए ।

प्रकाशित : जेष्ठ ८, २०७९ १४:३९
प्रतिक्रिया
पठाउनुहोस्

बाराको बारागढीमा जसपा विजयी

कान्तिपुर संवाददाता

काठमाडौँ — बाराको बारागढी गाउँपालिका प्रमुखमा जनता समाजवादी पार्टीका उम्मेदवार अशोककुमार जयसबाल ५ हजार ४ सय २६ मत ल्याई विजयी भएका छन् ।

जयसबाललाई उनका निकटतम प्रतिद्वन्द्वी नेकपा (एमाले) का तर्फबाट उम्मेदवारी दिएका वृजकिशोर प्रसादलाई २ हजार ३ सय ८४ मतान्तरले पराजित गरेका हुन् । पराजित भएका वृजकिशोर प्रसादले ३ हजार ४२ मत ल्याएका छन् ।

यस्तै उपाध्यक्षमा जनता समाजवादी पार्टीकी उम्मेदवार लक्ष्‍मीदेवी राय ४ हजार ३ सय ६६ मतसहित विजयी भएकी छन् । उनका निकटतम प्रतिद्वन्द्वी नेपाल कम्युनिस्ट पार्टी (एमाले)की उम्मेदवार कलाउनी थरुनीले ३ हजार ६ सय २१ मत ल्याएकी छन् ।

प्रकाशित : जेष्ठ ८, २०७९ १४:३५
पूरा पढ्नुहोस्
प्रतिक्रिया
पठाउनुहोस्
×