हावाहुरीले फोप्ली स्वास्थ्य चौकीको छाना उडायो- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

हावाहुरीले फोप्ली स्वास्थ्य चौकीको छाना उडायो

शमशेरविक्रम जीसी

प्यूठान — हावाहुरीले प्यूठानको फोप्ली स्वास्थ्य चौकीको छाना उडाएको छ । बेलका ६ बजेतिर आएको हावाहुरीसहितको पानीले स्वास्थ्य चौकीको छाना उडाएको हो ।

चौकीको करिब आधा भागमा रहेको छाना उडाएको स्वास्थ्य चौकीका प्रमुख प्रकाश घिमिरेले जानकारी दिए । स्वास्थ्य चौकीको छाना उडाएपछि चौकीभित्रै पानी पसेको छ ।

एक्कासी आएको हावाहुरीले स्वास्थ्य चौकीको छाना उडाएको थियो । अहिले स्वास्थ्य चौकीभित्रका कोठामा पानी जम्मा हुन थालेको छ ।

अत्यावश्यक सामानहरु समेत पानीले भिझाएको छ । स्वास्थ्य चौकीको छाना उडाएपछि स्वास्थ्यकर्मी अहिले स्थानीयको घरमा बसेका छन् ।


प्रकाशित : जेष्ठ ६, २०७९ १८:४८
प्रतिक्रिया
पठाउनुहोस्

काठमाडौं-२८ र २९ मा कांग्रेसको प्यानलै विजयी

कान्तिपुर संवाददाता

काठमाडौँ — काठमाडौं महानगरपालिका–२८ र २९ मा नेपाली कांग्रेसको प्यानलै निर्वाचित भएको छ । वडा नं. २८ को अध्यक्षमा भाइराम खड्गी प्रकाश र वडा नं. २९ मा कुश ढकाल निर्वाचित भएका छन् ।

खड्गीले एक हजार २८२ मत प्राप्त गर्दा उनका निकटतम प्रत्यासी नेकपा एमालेका बिपेन्द्र खड्गीले एक हजार ७३ मत पाए । यहाँ वडा सदस्य पदमा अरुण तण्डुकार, बिरेन्द्र महर्जन, नीनाकुमारी खड्गी र ललिता कार्की ढोली निर्वाचित भए ।

त्यस्तै, वडा नं. २९ को अध्यक्षमा निर्वाचित ढकालले नेकपा एमालेका उम्मेदवार शिवराम राजवंशीलाई पराजित गरेका छन् । यहाँ महिला सदस्यमा रेनु श्रेष्ठ, दलित महिला सदस्यमा संगिता पुजारी, खुला सदस्यमा सन्तोष ढुंगेल र अनिल श्रेष्ठ विजयी भएका छन् ।


प्रकाशित : जेष्ठ ६, २०७९ १८:४५
पूरा पढ्नुहोस्
प्रतिक्रिया
पठाउनुहोस्
×