बाँकेको बैजनाथमा कांग्रेसका शाही र रोकाय निर्वाचित- लुम्बिनी - कान्तिपुर समाचार

बाँकेको बैजनाथमा कांग्रेसका शाही र रोकाय निर्वाचित

रुपा गहतराज

बाँके — बैजनाथ गाउँपालिकाको अध्यक्ष र उपाध्यक्षमा नेपाली कांग्रेसका प्रकाशबहादुर शाही र निर्मला रोकाय निर्वाचित भएका छन् । शाहीले नेकपा एमालेका घननाथ खनाललाई १ हजार ७९८ मतान्तरले पराजित गरे ।

अध्यक्षमा निर्वाचित शाहीले १२ हजार १८० मत पाए भने एमालेका खनालले १० हजार ३८२ मत ल्याए । यस्तै, उपाध्यक्षमा निर्वाचित कांग्रेसकी रोकायले १२ हजार १५२ मत सहित विजयी भइन् ।

उनका निकटतम प्रतिद्वन्द्वी नेपाल कम्युनिष्ट पार्टी (एमाले)की प्रेम पूर्ण योगीले १० हजार ७३३ मत ल्याइन् ।

प्रकाशित : जेष्ठ ६, २०७९ १५:३१
प्रतिक्रिया
पठाउनुहोस्

नेपालगञ्ज–२० को वडाध्यक्षमा कौशलकुमार धोबी निर्वाचित 

रुपा गहतराज

नेपालगन्ज — नेपालगन्ज उपमहानगरपालिका –२० को वडाध्यक्षमा जनता समाजवादी पार्टी (जसपा) कौशल कुमार धोबी निर्वाचित भएका छन्  । उनले १ हजार ५ सय ३५ मत पाएका छन् । यहाँ जसपाको प्यानल नै विजयी भएको छ ।

यसअघि यहाँ नेकपा एमाले निर्वाचित भएको थियो । यसपटक भने अल्पसंख्यक समुदायबाट उम्मेदवार बनेका धोबीले जितेका हुन् । उनीसँग नेकपा एमालेका कृष्ण कार्की पराजित भएका छन् ।

शिक्षण पेशाबाट बिद्यालय ब्यबस्थापन समितिको अध्यक्ष हुँदै आएका धोबी २०७४ को निर्वाचनमा पनि वडाध्यक्ष पदको उम्मेदवार थिए । २०६३ देखि राजनितिमा लागेका धोबीले वडाध्यक्ष भएपछि आफ्नो समुदायका सवाललाई जोड दिएर उठाउने बताए ।

‘अझै पनि उच्च बर्गहरुलाई एउटा धोबीलाई वडाअध्यक्ष बनाएपछि नमस्कार गर्नुपर्छ भन्ने डर छ,’ उनले भने, ‘यो भ्रम चिर्न पनि मैले यो आँट गरेको हुँ । मध्यम वर्गीय समुदायमा समस्या छैन । तर उच्च बर्गमा अझै यो अवस्था कायमै छ ।’

उनले आफुले भेदभाव रहित समाज निर्माणमा लाग्न चाहेको बताए ।

‘भाोट दिनेलाइ मात्र सेवा दिने परिपाटीको अन्त्य गर्न चाहान्छु,’ उनले भने । यो वडामा मात्र २५० परिवार धोबीको बसोबास छ । उपमहानगरभित्र मात्र २ हजार भन्दा बढी धोबी बसोबास गर्छन् ।

प्रकाशित : जेष्ठ २, २०७९ १३:३७
पूरा पढ्नुहोस्
प्रतिक्रिया
पठाउनुहोस्
×