निर्वाचित प्रमुख र अध्यक्षलाई शपथ गराइयो- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

निर्वाचित प्रमुख र अध्यक्षलाई शपथ गराइयो

कमल पन्थी

(बर्दिया) — स्थानीय पालिका निर्वाचन सम्पन्न भएपछि शुक्रबार आठ पालिकाका प्रमुखलाई जिल्ला समन्वय समितिको सभाकक्षमा शपथ गराइएको छ । जिल्लाको आठ पालिकाका प्रमुखलाई मुख्य निर्वाचन अधिकृत लोकजंग शाहले शपथ गराएका हुन् ।

बर्दियामा गुलरिया, मधुवन, बारबर्दिया, ठाकुरबाबा नगरपालिका र गेरुवा गाउँपालिकामा कांग्रेसले नेतृत्व गरेको छ ।

यसै गरी राजापुर नगरपालिका र बढैयाताल गाउँपालिकामा माओवादी र बाँसगढी नगरपालिकामा एमालेले नेतृत्व गरेको छ ।

मुख्य निर्वाचन अधिकृतले प्रमुख र अध्यक्षलाई शपथ ग्रहणपछि शुक्रबार प्रमुख र अध्यक्षले सम्बन्धित पालिकामा उपप्रमुख, वडाअध्यक्षसहित सदस्यलाई शपथ ग्रहण गराउने कार्यक्रम रहेको छ । शपथ ग्रहणपछि सबै जनप्रतिनिधिले कार्यभार सम्हाल्नेछन् । बर्दियामा ७५ वडा रहेका छन् ।

प्रकाशित : जेष्ठ ६, २०७९ १२:०६
प्रतिक्रिया
पठाउनुहोस्

सिरहाको कल्याणपुरमा एमालेका साह र यादव विजयी 

भरत जर्घामगर

सिरहा — कल्याणपुर नगरपालिकाको मेयर र उपमेयरमा नेकपा एमालेका उम्मेदवार विजयी भएका छन् । मेयरमा एमालेका रामपुकार साह तेलीले ५ हजार ८ सय ८३ मत प्राप्त गरी विजयी भएका हुन् । उनका निकटतम प्रतिस्पर्धी कांग्रेसका धर्मनाथ यादवले ५ हजार ३ सय ५३ मत ल्याएका थिए । 

त्यस्तै, उपमेयरमा एमालेका रेखाकुमारी यादवले ५ हजार ७ सय ३३ मत प्राप्त गरी विजयी भइन् । उनका निकटतम प्रतिद्वन्द्वी कांग्रेसकी धनेश्वरीदेवी मण्डल ५ हजार ४ सय ७० मत प्राप्त गरिन् ।

१२ वडा रहेको कल्याणपुर नगरपालिकामा ५ वटा वडामा एमाले, ३ वटामा वडामा जनता समाजवादी पार्टी, २ वटा वडामा कांग्रेस, एउटा वडामा नेकपा एकीकृत समाजवादी र एउटा वडामा जनमत पार्टी वडाध्यक्षमा विजयी भएका छन् ।


प्रकाशित : जेष्ठ ६, २०७९ १२:०५
पूरा पढ्नुहोस्
प्रतिक्रिया
पठाउनुहोस्
×