बर्दियाको गेरुवामा कांग्रेसका केसी र चौधरी निर्वाचित
बर्दिया — गेरुवा गाउॅपालिकाको अध्यक्ष र उपाध्यक्षमा नेपाली कांग्रेसका जमान सिंह केसी र लक्ष्मी चौधरी निर्वाचित भएका छन् । केसी दोस्रो पटक गाउँपालिका अध्यक्ष निर्वाचित भएका हुन् । उनले माओवादी केन्द्रका विश्व बहादुर थारुलाई पराजित गरे ।
सहायक निर्वाचन अधिकृत कपिल घिमीरेका अनुसार केसीले ७ हजार ६ सय ९८ मत प्राप्त गरेका छन् । उनका प्रतिद्वन्द्वी माओवादी केन्द्रका थारुले ६ हजार ६ सय २० र एमालेका भरत बहादुर धामीले १ हजार ८ सय ५१ मत प्राप्त गरे ।
उपाध्यक्षमा कांग्रेसकी चौधरीले ७ हजार १ सय ५३ मत प्राप्त गरि निर्वाचित भएकी छिन् । माओवादीकी लिला चौधरीले ६ हजार ५ सय ८३ मत र एमालेकी मन्जु शर्माले २ हजार २ सय ४३ मत प्राप्त गरिन् ।
प्रकाशित : जेष्ठ ३, २०७९ १४:२४