बर्दियाको गेरुवामा कांग्रेसका केसी र चौधरी निर्वाचित- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

बर्दियाको गेरुवामा कांग्रेसका केसी र चौधरी निर्वाचित

कमल पन्थी

बर्दिया — गेरुवा गाउॅपालिकाको अध्यक्ष र उपाध्यक्षमा नेपाली कांग्रेसका जमान सिंह केसी र लक्ष्मी चौधरी निर्वाचित भएका छन् । केसी दोस्रो पटक गाउँपालिका अध्यक्ष निर्वाचित भएका हुन् । उनले माओवादी केन्द्रका विश्व बहादुर थारुलाई पराजित गरे ।

सहायक निर्वाचन अधिकृत कपिल घिमीरेका अनुसार केसीले ७ हजार ६ सय ९८ मत प्राप्त गरेका छन् । उनका प्रतिद्वन्द्वी माओवादी केन्द्रका थारुले ६ हजार ६ सय २० र एमालेका भरत बहादुर धामीले १ हजार ८ सय ५१ मत प्राप्त गरे ।

उपाध्यक्षमा कांग्रेसकी चौधरीले ७ हजार १ सय ५३ मत प्राप्त गरि निर्वाचित भएकी छिन् । माओवादीकी लिला चौधरीले ६ हजार ५ सय ८३ मत र एमालेकी मन्जु शर्माले २ हजार २ सय ४३ मत प्राप्त गरिन् ।

प्रकाशित : जेष्ठ ३, २०७९ १४:२४
प्रतिक्रिया
पठाउनुहोस्

संसद् अवरोध गर्ने/नगर्नेबारे निर्णय भइसकेको छैन : उपनेता नेम्वाङ

कान्तिपुर संवाददाता

काठमाडौँ — नेकपा (एमाले) संसदीय दलका उपनेता सुवासचन्द्र नेम्वाङले संघीय संसद्‌मा अवरोध गर्ने कि नगर्ने भन्नेबारे नयाँ निर्णय भइनसकेको बताएका छन् । उनले पार्टीका शीर्ष नेताहरू संसद्‌मा कसरी प्रस्तुत हुने भनेर निर्णय लिनका लागि परामर्शमा रहेको जानकारी दिए ।

प्रतिनिधिसभा र राष्ट्रिय सभाको बजेट अधिवेशनको पहिलो बैठक मंगलबारका लागि बोलाइएको छ । २०७८ भदौयता संघीय संसद्का दुवै सदन अवरोध गर्दै आएको एमालेले नयाँ अधिवेशनमा के गर्ने भन्नेबारे निर्णय गरिसकेको छैन । उपनेताले नेम्वाङले मंगलबार ३ बजेसम्म निर्णय लिने जानकारी दिए । 'संसद्मा के गर्ने भन्नेबारे टुंगोमा पुगिसकिएको छैन । के गर्ने भनेर सल्लाह गरिरहेका छौं,' उनले भने ।

मंगलबार नै मदन–आश्रित स्मृति दिवसको अवसरमा बल्खुमा आयोजित कार्यक्रमपछि सञ्चारकर्मीहरूसँग कुरा गर्ने क्रममा भने नेम्वाङले संसद्को अवरोधलाई स्थानीय तहको निर्वाचनसँग जोडेका थिए । 'हामी अहिले नयाँ निस्कर्षमा पुगिसकेका छैनौं । तर हामी छलफलमा पनि छौं । स्थानीय निकायको निर्वाचनको सम्बन्धमा जनताको बीचमा गएका छौं । जनताले एउटा निस्कर्ष दिएका छन् त्यो निस्कर्षमा पूर्णता आउन बाँकी छ । यो सबै सन्दर्भलाई हामी ध्यानमा राखेर विचार गरिरहेका छौं । तर अहिले नै नयाँ निर्णयमा पुगिसकेका छैनौँ,’ उनले भनेका थिए ।

एमाले विभाजन गर्न सरकारले अध्यादेश ल्याएको र माधवकुमार नेपालको नेतृत्वमा पार्टी विभाजन गरिएको भन्दै एमाले संसद्मा अवरोध गर्दै आइरहेको छ । एमाले अध्यक्ष केपी शर्मा ओलीले सोहो विषयलाई लिएर सर्वोच्च अदालतमा मुद्दा पनि दायर गरेका छन् । उक्त मुद्दा पटकपटक पेसी चढेपनि सुनुवाई हुन सकेको छैन ।

प्रकाशित : जेष्ठ ३, २०७९ १४:१४
पूरा पढ्नुहोस्
प्रतिक्रिया
पठाउनुहोस्
x
×