बुटवलको मिलनचोकमा बम विस्फोट- लुम्बिनी - कान्तिपुर समाचार

बुटवलको मिलनचोकमा बम विस्फोट

घनश्याम गौतम

रूपन्देही — बुटवलको मिलनचोकमा बुधबार साँझ बम विस्फोट भएको छ । इलाका प्रहरी कार्यालय बुटवलले दिएको जानकारीअनुसार मिलनचोकको आकाशे पुल नजिकै बम पड्किएको हो ।

उक्त स्थानबाट नेकपा माओवादीको नाममा पर्चाहरुसमेत फेला परेको प्रहरीले जनाएको छ । विस्फोटक पदार्थ पड्किएको स्थान तथा वरपर केही छर्राहरु समेत फेला परेको प्रहरीले जनाएको छ । घटनाबारे थप अनुसन्धान र खोजतलास भइरहेको प्रहरी निरीक्षक प्रकाश थापाले बताए ।

घटनास्थल वडा ८ को मतदान केन्द्रबाट नजिकै पर्छ ।

प्रकाशित : वैशाख २८, २०७९ २१:२६
प्रतिक्रिया
पठाउनुहोस्

स्याङ्जामा ५३ मतदानस्थल अति संवेदनशील

कान्तिपुर संवाददाता

स्याङ्जा — स्थानीय तहको निर्वाचनको लागि पाँच नगरपालिका र ६ गाउँपालिका रहेको स्याङ्जामा एक सय ९९ वटा मतदान स्थल कायम गरिएको छ, जसमा ३ सय १८ वटा मतदान केन्द्र छन् । तीमध्ये ५३ वटा मतदान स्थल अति संवेदनशील रहेको प्रमुख जिल्ला अधिकारी राजु पौडेलले बताए ।

उनका अनुसार ७३ वटा स्थल संवेदनशील र ७१ वटा स्थल सामान्य छन् । अति संवेदनशील मतदान स्थलमा सोहीअनुसार सुरक्षाकर्मीको परिचालन गरिएको प्रजिअ पौडेलले बताए ।

जिल्ला निर्वाचन कार्यालयका कम्प्युटर अपरेटर खुमबहादुर भुजेलका अनुसार कुनै पनि केन्द्रमा मतदान गर्न मतदाता ५ किलोमिटरभन्दा बढी हिँड्नु पर्दैन । स्याङ्जामा २ लाख ४० हजार ५ सय ३५ जना मतदाता छन् । १९ वटा राजनीति दल रहे पनि १२ दलबाट मात्र उम्मेदवारी परेको छ । यसैगरी एउटा स्वतन्त्र उम्मेदवारी परेको छ ।

प्रकाशित : वैशाख २८, २०७९ २०:५८
पूरा पढ्नुहोस्
प्रतिक्रिया
पठाउनुहोस्
×