कार चालक थापा कारागार चलान - लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

कार चालक थापा कारागार चलान 

रूपा गहतराज

नेपालगन्ज — चैतको अन्तिम साता कारले ठक्कर दिँदा नेपालगन्जमा एकैघरमा बस्ने तीन जनाको मृत्यु घटनाका आरोपीलाई बाँके जिल्ला अदालतले बिहीबार पुर्पक्षका लागि थुनामा राख्न आदेश गरेको छ ।

कार चालक नेपालगन्ज–१० का इन्द्रबहादुर थापालाई अदालतले पुर्पक्षका लागि कारागार चलान गरेको हो । बाँके जिल्ला अदालतमा बिहीबार भएको थुनछेक बहसमा जिल्ला अदालतका न्यायाधीश ईश्वरीप्रसाद भण्डारीको एकल इजलासले थापालाई थुनामा पठाएको हो । तीव्र गतिमा गाडी चलाएर किचेर मारेको, सीसीटीभी फुटेज र प्रमाणसमेतको आधारमा अदालतले कार चालक थापालाई थुनामा पठाएको हो ।

मुद्दाको सुनुवाइमा पीडित जाहेरवालाको तर्फबाट जिल्ला सरकारी वकिल कार्यालय बाँकेका जिल्ला न्यायाधिवक्ता बासुदेव शर्मा, सहन्यायाधिवक्ता दामोदर गौतम, अधिवक्ताद्वय विश्वजीत तिवारी र पुनम श्रेष्ठ प्रतिवादीका तर्फबाट वरिष्ठ अधिवक्ता भोलासिंह हमाल, अधिवक्ताहरु सुनिल श्रेष्ठ, लोकबहादुर शाह र गणेश थारुले बहस गरेका थिए ।

गत चैत २७ गते बीपी चोक नजिकै थापाले चलाएको कारको ठक्करले सडकका पैदलयात्री नेपालगन्जका ६५ वर्षीय समिमा इद्रिसी, ५ वर्षीय बालक मो कासिम इद्रिसी र ५ वर्षीय मोहम्द अली हलवाईको मृत्यु भएको थियो ।

प्रकाशित : वैशाख २२, २०७९ २१:०४
प्रतिक्रिया
पठाउनुहोस्

कार दुर्घटनामा बालिकाको मृत्यु

रूपा गहतराज

नेपालगन्ज — पूर्व-पश्चिम राजमार्गअन्तर्गत बाकेको राप्ती सोनारी-८ शम्सेरगञ्जको जंगलमा कार अनियन्त्रित भई दुर्घटना हुँदा एक बालिकाको मृत्यु भएको छ । दुर्घटनामा दुई जना गम्भीर घाइते भएका छन् ।

आइतबार साँझ पूर्वदेखि पश्चिमतर्फ आउँदै गरेको बा. प्र. ०१-०२७ च २५२२ नम्बरको कार आफैं अनियन्त्रित भई दुर्घटना भएको थियो ।

दुर्घटनामा परेर कारमा सवार डडेल्धुराको अमरगडी नगरपालिका ७ की १५ वर्षीया प्रशंसा ऐरको उपचारका क्रममा मृत्यु भएको जिल्ला ट्राफिक कार्यालय बाँके कोहलपुरले जनाएको छ ।

कार चालक काठमाडौं बुढानिलकण्ठ नगरपालिका २ बस्ने ३४ वर्षीय कमल केसी र डडेल्धुरा अमरागडी नगरपालिका ७ का ३९ वर्षीय डम्मर ऐर घाइते भएका छन् ।

प्रकाशित : वैशाख १९, २०७९ १९:४४
पूरा पढ्नुहोस्
प्रतिक्रिया
पठाउनुहोस्
×