बर्दियामा चित्तलको मासुसहित तीन पक्राउ- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

बर्दियामा चित्तलको मासुसहित तीन पक्राउ

कमल पन्थी

बर्दिया — जंगलबाट चित्तल मारेर भागबन्डा गरिरहेको अवस्थामा शनिबार बर्दिया प्रहरीले तीन जनालाई पक्राउ गरेको छ ।

बासगढी नगरपालिका—३ गौराचोकस्थित चित्तलको मासु भागबन्डा गरिरहेको अवस्थामा विशेष सूचनाका आधारमा सोही ठाउँका प्रेमबहादुर विष्ट,भद्दु थारु र शिवप्रसाद थारुलाई पक्राउ गरिएको सूचना अधिकारी एवं जिल्ला प्रहरी कार्यालयका डिएसपी प्रकाश सापकोटाले बताए । उनीहरुबाट करिब ५० किलो काटिएको चित्तलको मासु बरामद गरिएको डिएसपी सापकोटाले जनाए । उनीहरुलाई कारबाहीका लागि वन कार्यालय पठाइएको छ ।

प्रकाशित : वैशाख १७, २०७९ १९:२४
प्रतिक्रिया
पठाउनुहोस्

न्युकासललाई हराएर लिभरपुल शीर्षमा

कान्तिपुर संवाददाता

काठमाडौँ — लिभरपुलले इंग्लिस प्रिमियर लिगमा शनिबार न्युकासल युनाइटेडलाई १–० ले हराएको छ र यस जितसँगै अंक तालिकाको शीर्ष स्थानमा उक्लिन सफल भएको छ । लिभरपुलको ३४ खेलबाट ८२ अंक भएको छ ।

तस्बिर : लिभरपुल

शनिबार नै सिटीले लिड्स युनाइटेडको सामना गर्नेछ र त्यसमा जित निकालेर फेरि शीर्ष स्थानमा उक्लन सक्नेछ । सिटीको ८० अंक रहेको छ र उसमाथि लिड्माथि जित निकाल्नै पर्ने दबाब हुनेछ ।

सेन्ट जेम्स पार्कमा भएको खेलमा लिभरपुलका लागि एक मात्र गोल १९ औं मिनेटमा नबी केइटाले गरे । न्युकासल भने ४३ अंकमा नवौं स्थानमा रह्यो ।

प्रकाशित : वैशाख १७, २०७९ १९:१२
पूरा पढ्नुहोस्
प्रतिक्रिया
पठाउनुहोस्
×