बर्दियामा चित्तलको मासुसहित तीन पक्राउ

बासगढी नगरपालिका—३ गौराचोकस्थित चित्तलको मासु भागबन्डा गरिरहेको अवस्थामा विशेष सूचनाका आधारमा सोही ठाउँका प्रेमबहादुर विष्ट,भद्दु थारु र शिवप्रसाद थारुलाई पक्राउ गरिएको सूचना अधिकारी एवं जिल्ला प्रहरी कार्यालयका डिएसपी प्रकाश सापकोटाले बताए । उनीहरुबाट करिब ५० किलो काटिएको चित्तलको मासु बरामद गरिएको डिएसपी सापकोटाले जनाए । उनीहरुलाई कारबाहीका लागि वन कार्यालय पठाइएको छ ।