पाल्पामा जलेर एकको मृत्यु
पाल्पा — रैनादेवी छहरा गाउँपालिका–३, भुवनपोखरी ढुकुरखोलाका ५९ वर्षीय हरिबहादुर कुमालको आगलागीमा परी मृत्यु भएको छ । मंगलबार राति घरको कोठामा अचानक लागेको आगोले जलेर कुमालको मृत्यु भएको प्रहरी कार्यालयका सूचना अधिकारी लक्ष्मण पचभैयाले जानकारी दिए ।
टिनको छाना भएको तीन तले घरको दोस्रो तलामा सुतिरहेका कुमाल आगलागीमा परेका थिए ।
उनका परिवारहरु श्रीमती, छोरा र छोरीहरु अर्को गोठसहितको (नाले) घरमा सुतेका थिए । घटना थाहा पाएलगत्तै उनको परिवार र छिमेकीले आगो नियन्त्रणमा लिएका थिए । मृतकका २ छोराहरु बुटवल बस्दै आएका छन् । आगलागीको कारणबारे अनुसन्धान भइरहेको प्रहरीले जनाएको छ ।
प्रकाशित : चैत्र २, २०७८ १६:१६प्रतिक्रिया