सडकमाथिबाट ढुंगा खसेर मोटरसाइकल चालकको मृत्यु
दाङ — सडकमाथिबाट खसेको ढुंगा लागेर तुलसीपुरमा एक मोटरसाइकल चालकको मृत्यु भएको छ ।
राप्ती राजमार्ग अन्तर्गत तुलसीपुर उपमहानगरपालिका ३ राम्रीमा माथिबाट खसेको ढुंगा लागेर मोटरसाइकल चालक घोराही उपमहानगरपालिका १४ का ३५ वर्षीय लालबहादुर घर्तीको मृत्यु भएको इलाका प्रहरी कार्यालय तुलसीपुरका प्रमुख डीएसपी श्यामु अर्यालले बताए ।
रा ३ प ११०१ नम्बरको मोटरसाइकलमा बुधबार सल्यानको कपुरकोटबाट घोराही जाँदै गर्दा ढुङ्गा खसेर घर्तीको मृत्यु भएको उनले बताए ।
ढुंगा लागेर गम्भीर घाइते भएका घर्तीको उपचारका क्रममा राप्ती प्रादेशिक अस्पताल तुलसीपुरमा मृत्यु भएको प्रहरीले जानकारी दिएको छ ।
प्रकाशित : माघ १२, २०७८ १८:४३