पाल्पामा ट्यांकरले स्कुटीलाई ठक्कर दिँदा महिलाको मृत्यु
पाल्पा — पाल्पाको बर्तुङमा बुधबार ट्यांकरले स्कुटीलाई ठक्कर दिँदा महिलाको मृत्यु भएको छ । मृत्यु हुने माथागढी गाउँपालिका–३, सराईकी ५५ वर्षीया कान्तिसरा गाहा रहेको प्रहरीले जनाएको छ ।
सिद्धार्थ राजमार्गअन्तर्गत बर्तुङदेखि प्रभासतर्फ जाँदै गरेको लु ३ च ४६१५ नम्बरको पानी बोक्ने ट्यांकरले सोही दिशामा जाँदै गरेको लु ४६ प १६१९ नम्बरको स्कुटरलाई ठक्कर दिएको हो । घटनास्थलमा घाइते भएकी गाहाको उपचारका क्रममा लुम्बिनी मेडिकल कलेज प्रभासमा लैजाँदै गर्दा मृत्यु भएको जिल्ला प्रहरी कार्यालयका प्रहरी निरीक्षक लक्ष्मण पचभैयाले जानकारी दिए ।
स्कुटीलाई ठक्कर दिने ट्यांकर र चालकलाई प्रहरीले नियन्त्रणमा लिएको जनाएको छ ।
प्रकाशित : माघ १२, २०७८ १८:१२