बेलहिया नाकाबाट प्रवेश गर्ने ६९ जना कोरोना संक्रमित

भारतबाट स्वदेश फर्किएका तीन सय ४६ जनाको एन्टिजेन परिक्षण गर्दा सोमबार ६९ जनामा संक्रमण देखिएको लुम्बिनी स्वास्थ्य निर्देशनालयले जनाएको छ ।

संक्रमितहरूलाई होम आइसोलेसनमा बस्ने शर्तमा निजी सवारीबाट गन्तव्यतर्फ पठाइएको छ । पछिल्लो समय भारतमा कोभिड संक्रमित तीव्र रुपमा बढेपछि रोजगारी गुमाएर फर्किने नेपालीहरू बढेका छन् । नेपाल घुम्न आएका भारतीयलाई पनि संक्रमण देखिएपछि नेपाल प्रवेशमा रोक लगाइएको छ ।

कोरोना महामारीको तेस्रो लहरसँगै संक्रमण तीव्र रुपमा फैलिन थालेपछि विशेषगरी भारतसँग जोडिएका सीमा क्षेत्रमा उच्च सतर्कता अपनाइएको छ ।