रोल्पामा ३०१ जनाको निःशुल्क आँखा अप्रेसन

सदरमुकाम लिबाङ लगायत विभिन्न १६ स्थानमा शिविर आयोजना गरी मोतीबिन्दुका बिरामीको छनोट गरिएको थियो । तीन हजार जनाको जाँचपछि अप्रेसन गर्नुपर्ने ३ सय १ जनाको छनोट गरी आँखाका बिरामीको लिबाङमा तीन दिनसम्म अप्रेसन शिविर आयोजना गरिएको थियो ।

सामुदायिक आँखा केन्द्रका अनुसार बिरामीलाई लिबाङस्थित आँखा केन्द्रको कार्यालयमा बोलाएर अप्रेसन गरिएको केन्द्रका इन्चार्ज धर्मेन्द्र यादवले बताए । तिलगंगाले रोल्पामा हरेक वर्ष निःशुल्क आँखा शिविर आयोजना गर्ने गरेको छ ।