भैरहवामा ट्रकको ठक्करबाट मोटरसाइकल चालकको मृत्यु- लुम्बिनी - कान्तिपुर समाचार

भैरहवामा ट्रकको ठक्करबाट मोटरसाइकल चालकको मृत्यु

माधव ढुंगाना

भैरहवा — बुद्धचोकमा शुक्रबार भारतीय मालबाहक ट्रकको ठक्करबाट एक मोटरसाइकल यात्रुको ज्यान गएको छ ।

जिल्ला ट्राफिक प्रहरी कार्यालय रुपन्देहीका अनुसार, भैरहवाबाट भन्सार नाका हुँदै भारततर्फ जाँदै गरेको युपी ४२ एटी ४३५२ नम्बरको भारतीय मालबाहक ट्रकले अगाडि रहेको लु १८ प ५७१६ नम्बरको मोटरसाइकललाई ठक्कर दिँदा मोटरसाइकल चालकको घटनास्थलमै मृत्यु भएको हो ।


मृतकको सनाखत हुन बाँकी छ । ठक्कर दिने ट्रक प्रहरीको नियन्त्रणमा छ । मृतकको शव पोस्टमार्टमका लागि भैरहवास्थित भीम अस्पताल लगिएको छ ।


प्रकाशित : पुस ३०, २०७८ १२:०४
प्रतिक्रिया
पठाउनुहोस्

एमाले रुपन्देहीको अध्यक्षमा तेजेन्द्र केसी

माधव ढुंगाना

भैरहवा — नेकपा (एमाले)को नवौं जिल्ला अधिवेशनबाट रुपन्देहीको अध्यक्षमा तेजेन्द्र केसी निर्विरोध निर्वाचित भएका छन् ।

निवर्तमान उपाध्यक्ष पुरुषोत्तम घिमिरेले अध्यक्ष पदमा दिएको उम्मेदवारी फिर्ता लिएपछि केसीलाई निर्विरोध हुन बाटो खुलेको थियो । अध्यक्षमा सहमति जुटेपछि एमाले रुपन्देहीका सबै पदमा निर्विरोध कार्यसमिति चयन भएको छ ।

उपाध्यक्षमा जागेश्वरदेवी चौधरी निर्विरोध भएकी छन् । उनी यसअघि पार्टीको जिल्ला सचिव भएर काम गरेकी थिइन् । सचिव पदमा यज्ञ गैरे निर्वाचित भएका छन् । सचिवमा खेम लुइटेलको उम्मेदवारी फिर्ता लिए । गैरे यसअघि जिल्ला सदस्य थिए ।

उपसचिवमा चित्रबहादुर कार्की र हितराज पन्थी निर्विरोध चयन भएका छन् । कार्की सैनामैना नगरपालिकाका मेयर हुन् । पन्थी यसअघि जिल्ला सचिवालय सदस्य थिए ।

निर्वाचन समितिका अनुसार, सदस्य पदमा पनि सर्वसम्मत भएको छ । निर्वाचित अध्यक्ष केसीले २०४२ सालदेखि अनेरास्ववियूबाट विद्यार्थी राजनीति सुरु गरेका हुन् । केसीले दुई दशक एमाले जिल्ला कमिटीमा काम गरिसकेका छन् ।

प्रकाशित : पुस २५, २०७८ १५:२६
पूरा पढ्नुहोस्
प्रतिक्रिया
पठाउनुहोस्
×