बुटवलमा भन्सार छलीको जुत्तासहितको गाडी नियन्त्रणमा            - लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

बुटवलमा भन्सार छलीको जुत्तासहितको गाडी नियन्त्रणमा            

माधव ढुंगाना

भैरहवा — भन्सार छलेर नेपाल भित्र्याइएको करिब ९ लाख रुपैयाँका भारतीय विभिन्न ब्राण्डका जुत्तासहित गाडी रुपन्देही प्रहरीले आइतबार बिहान नियन्त्रणमा लिएको छ । 

जिल्ला प्रहरी कार्यालय रुपन्देहीबाट खटिएको प्रहरी टोलीले बुटवल उपमहानगरपालिका–२ स्थित तिनाउ पुलबाट लु १ च ८२१३ नम्बरको पीकअप गाडीसहित ७ सय ५० जोर जुत्ता पक्राउ गरिएको जिल्ला प्रहरी कार्यालयका डिएसपी तथा प्रवक्ता नवरत्न पौडेलले जनाए । उनका अनुसार, भारतीय कम्पनी ऐर, बाटा, स्पोर्टस लगायतका ब्राण्डका ती जुत्ता भन्सार छलेर अवैध रुपमा नेपाल भित्र्याइएको हो । गाडीसहित रुपन्देही सैनामैना नगरपालिका–४ मुर्गिया निवासी ३२ वर्षीय चालक विष्णु थापा पक्राउ परेका छन् ।

बरामद भएका जुत्ता, ढुवानीमा प्रयोग गरिएको गाडी र चालकलाई कारबाही लागि आइतबार नै भैरहवा भन्सार कार्यालय पठाइएको छ ।

चालक थापाले उक्त परिमाणको जुत्ता कपिलवस्तुबाट बुटवलका लागि ल्याएको प्रारम्भिक बयान दिए पनि कुन पसलबाट ल्याएको र कसलाई दिने हो ? भन्ने बारेमा केही खुलेको छैन ।


प्रकाशित : मंसिर १९, २०७८ १५:५९
प्रतिक्रिया
पठाउनुहोस्

८०० वर्ष पुरानो मानव कंकाल डोरीले बाँधिएको अवस्थामा भेटियो

एजेन्सी

वासिङटन — विज्ञ तथा अनुसन्धाताहरूको एक टोलीले पेरुको समुद्री तटमा कम्तीमा ८०० वर्ष पुरानो मानव कंकाल फेला पारेको छ । उत्खननमा सहभागी एक पुरातत्वविद्‍का अनुसार उक्त अस्थिपञ्जर समुद्री तट र दक्षिण अमेरिकी मुलुकबीच क्षेत्रबीचको संस्कृतिको व्यक्तिको थियो ।


यद्यपि उक्त व्यक्तिको लैंगिक पहिचान भने खुल्न सकेको छैन । पूरातत्वविद्‍ पिटर भान डलेन लुनाका अनुसार उक्त अस्थिपञ्जर लिमा क्षेत्रमा फेला परेको थियो ।

उक्त शव शरीरलाई डोरीले बाँधिएको र हातले अनुहार छोपिएको अवस्थामा रहेको पनि लुनाले बताएका छन् । तर यस्तो अवस्थालाई त्यस क्षेत्रको स्तानीय अन्त्येष्टिको संस्कारको रुपमा व्याख्या गरिएको छ । यूनिभर्सिटी अफ सान मार्कोसको अनुसन्धान टोलीले उक्त शव फेला पारेको हो । विज्ञ टोलीले उक्त मानव कंकालबारे थप अनुसन्धान गर्ने पनि जनाएको छ ।

विज्ञ टोलीले ती व्यक्ति उच्च एन्डियन क्षेत्रको भएको दाबी गरेको छ । शव भएको चिहानमा तरकारीका अवशेष र ढुंगाका औजार लगायत चिजहरू पनि राखिएको बताइएको छ । ऐतिहासिक मानव सभ्यता तथा अन्य पूरातात्विक अध्ययनका लागि पेरुलाई एक महत्वपूर्ण गन्तब्यको रुपमा लिइन्छ ।

प्रकाशित : मंसिर १९, २०७८ १५:५७
पूरा पढ्नुहोस्
प्रतिक्रिया
पठाउनुहोस्
×