सुनवलको बेलिब्रिजमा समस्या आएपछि पूर्व-पश्चिम राजमार्ग अवरुद्ध

नारायणगढ-बुटवल सडक बिस्तारको क्रममा नयाँ पुल निर्माणको क्रममा छ । सोही स्थानमा पुल निर्माणको लागि खाडल खन्ने क्रममा बेलिब्रिजको भाग भासिएपछि यातायात ठप्प भएको हो । पूर्व-पश्चिम राजमार्ग अवरुद्ध भएपछि बर्दघाटबाट बुटवल जानुपर्ने सवारीलाई भुमही हुँदै भैरहवातर्फबाट संचालन गराइएको छ भने बुटवलबाट पूर्व आउने सवारीलाई भैरहवा परासी सडक खण्डबाट संचालनको व्यवस्था मिलाइएको प्रहरीले जनाएको छ ।

भदौ १० गते बाढीको कारण जीर्ण पुल भासिएपछि भदौ ३० गतेबाट बेलिब्रिज संचालनमा ल्याइएको थियो । ओभरलोड सवारीको कारण पूर्व-पश्चिम राजमार्गअन्तर्गतका अधिकांश पुल जीर्ण अवस्थामा छ ।