पूर्वएसएसपी थापा कांग्रेस महाधिवेशन प्रतिनिधिमा विजयी
कपिलवस्तु — पूर्वएसएसपी विक्रमसिंह थापा कांग्रेस महाधिवेशन प्रतिनिधिमा निर्वाचित भएका छन् । उनी २०४ मतान्तरले विजयी भएका हुन् । उनले चार सय मत प्राप्त गरेका थिए ।
उनको निकटतम प्रतिद्वन्द्वी ज्योति दाहालले १९६ मत प्राप्त गरेका थिए । उनी संघीय निर्वाचन क्षेत्र नं. २ बाट समावेशी तर्फ खसआर्यबाट उम्मेदवार बनेका हुन् ।
प्रहरीमा नाम चलेका अधिकारी ३ वर्षअघि कांग्रेसमा प्रवेश गरेका थिए । उनी काठमाडौं, ललितपुर, रुपन्देही, सप्तरी, कपिलवस्तु र बाँकेलगायतका जिल्लामा प्रहरी प्रमुखसमेत भइसकेका थिए । ‘पहाडको मान्छे उनले भने मधेसको मत पाएर जिते,’ उनले भने, ‘अब पहाड र मधेस जोड्ने काम गर्छु ।’ सेवानिवृत्त भएर पनि केही गरेर देखाउन उम्मेदवार बनेको उनको भनाइ छ ।
‘अब पूर्वराष्ट्रसेवकका अनुभवले कांग्रेसलाई जनताको उत्कृष्ट माइ स्टोन बनाउने अभियानमा लाग्छौँ,’उनले भने । गुल्मीमा जन्मिएका थापा अहिले कपिलवस्तुको वाणगंगा नगरपालिका ६, बनगाईमा बस्छन् ।
प्रकाशित : मंसिर १०, २०७८ ०८:०७
