घोडाहा पुलको डाइभर्सन बगेपछि पूर्व–पश्चिम राजमार्ग अवरुद्ध
लुम्बिनी — आइतबार साँझदेखि परेको पानीले पूर्व–पश्चिम राजमार्ग अवरुद्ध भएको छ ।
निरन्तरको पानीले रुपन्देहीको देवदह–७ शीतलनगरस्थित घोडाहा पुलमा निर्मित डाइभर्सन बगाएपछि सवारी गुड्न बन्द भएको र राजमार्ग अवरुद्ध भएको लुम्बिनी प्रदेश ट्राफिक कार्यालय बुटवलका प्रवक्ता प्रहरी नायब उपरीक्षक डिल्लीनारायण पाण्डेले जानकारी दिए । पुल भासिएपछि भैरहवा–परासी हुँदै सवारी साधन आवागमन गराइएको उनले जनाए ।
गत भदौमा आएको बाढीका कारण घोडाहा पुल भत्किएपछि डाइभर्सन बनाइ सवारी आवागमन गराइएको थियो । उक्त डाइभर्सनको एक भाग आइतबार बिहानैदेखि जोखिमपूर्ण बनेपछि एकतर्फी साधन गुडिरहेकामा पानी परिरहेपछि डाइभर्सन नै बगाएको उनले बताए ।