गुल्मी कांग्रेसमा सर्वसम्मत हुने धेरै- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

गुल्मी कांग्रेसमा सर्वसम्मत हुने धेरै

मुसिकोट नगरपालिका र कालीगण्डकी गाउँपालिकामा निर्वाचनमार्फत नेतृत्व छनोट
कान्तिपुर संवाददाता

गुल्मी — गुल्मी कांग्रेसको गाउँ/नगरमा नयाँ नेतृत्व छनोट भएको छ । जिल्लाका १२ स्थानीय तहमा मंगलबार र बुधबार सम्पन्न अधिवेशनबाट नयाँ नेतृत्व चयन भएको हो । 

यहाँको मुसिकोट नगरपालिका र कालिगण्डकी गाउँपालिकामा निर्वाचनमार्फत नेतृत्व छनोट भएको हो । मुसिकोटमा मोहन घिमिरे र कालीगण्डकीमा निमबहादुर श्रीस सभापतिमा चयन भएका छन् । सर्वसम्मत भएका मालिका गाउँपालिकामा उपेन्द्र अर्याल, मदानेमा महेन्द्र कुवँर, इस्मामा कृष्ण रिजाल, धुर्कोटमा हरिबहादुर थापा, गुल्मी दरबारमा प्रेम पुन, छत्रकोटमा धातानन्द भुसाल, रुरुक्षेत्रमा देवेन्द्र मल्ल, सत्यवतीमा विष्णु भण्डारी, चन्द्रकोट गाउँपालिका विष्णुप्रसाद भण्डारी र रेसुंगा नगरपालिकामा जयश्वर पन्थी सर्वसम्मत रूपमा सभापति छनोट भएका छन् ।

यस्तै, वैदेशिक रोजगारीमा गएर स्वदेश फर्केका गुल्मीको मालिका गाउँपालिका–४ का ४० वर्षीय उपेन्द्र अर्याल गाउँपालिका सभापति भएका छन् । गाउँपालिकाको छाया सरकारका प्रमुखसमेत रहेका उनले पाँच वर्ष दक्षिण कोरियामा रोजगारीका सिलसिलामा बिताएका थिए । गुल्मी–दक्षिण कोरिया सम्पर्क समाजको सचिवका रूपमा दुई वर्ष काम गरेका उनले २०४८ सालमा अर्खबाङ माध्यमिक विद्यालयमा नेविसंघको उपसभापतिबाट राजनीति सुरु गरेका हुन् । २०५६ सालमा रेसुंगा बहुमुखी क्याम्पसमा नेविसंघको राजनीति गर्दै २०५९ सालमा माओवादी जनयुद्धका कारण गुल्मीबाट विस्थापित भएका थिए । २०६१ सालमा माओवादी पीडित संघका केन्द्रीय सदस्य रहेर काम गरेका अर्याल स्थानीय तहको निवार्चनमा वडाध्यक्षमा पराजित भएका थिए ।

इस्मा गाउँपालिकामा २६ वर्षीया युवती उपसभापतिमा चयन भएकी छन् । इस्मा गाउँपालिका–२ निवासी पार्वता कुँवर सर्वसम्मत रूपमा उपसभापति चयन भएकी हुन् । २०६८ सालदेखि रेसुंगा बहुमुखी क्याम्पसको छात्रासंघको सचिवका रूपमा विद्यार्थी राजनीतिमा प्रवेश गरेकी उनी सचिव, क्याम्पस एकाइ सदस्य, नेपाल विद्यार्थी संघ गुल्मीको जिल्ला सदस्य, जिल्ला सचिव, कांग्रेसको १३ औं अधिवेशनमा क्षेत्रीय प्रतिनिधि, नेपाल महिला संघको क्षत्रीय कोषाध्यक्ष हुँदै अहिले उपसभापतिमा चयन भएकी हुन् । कुँवर व्यवस्थापन संकायमा स्नातकोत्तरका साथै अधिवक्तासमेत हुन् । गुल्मीको गाउँ/नगरको नेतृत्वमा कुँवर माथिल्लो पदमा पुग्ने एकमात्र महिला हुन् ।

मुसिकोट नगरपालिकामा कांग्रेस सभापतिमा निर्वाचित मोहन घिमिरे २०६० सालदेखि नेपाली कांग्रेसमा आबद्ध थिए । मुसिकोट नगरपालिका–१ निवासी ३३ वर्षीय घिमिरे कांग्रेस मुसिकोट नगरपालिकाको नगर सचिव, क्षेत्रीय सदस्य हुँदै नगर सभापतिमा निर्वाचित भएका हुन् । घिमिरेले ८७ मत ल्याएर विजयी भए भने उनका प्रतिस्पर्धी झविलाल भण्डारीले ६१ मत प्राप्त गरेका थिए ।

रेसुंगा नगरपालिकाले दुई दिनपछि बल्ल नेतृत्व चयन गरेको छ । मंगलबार र बुधबार साँझसम्मको रस्साकसीपछि पूर्वकर्मचारी जयश्वर पन्थी नगर सभापति चयन भएका हुन् । पूर्वपत्रकार समेत रहेका निर्माण व्यवसायी हरिकुमार श्रेष्ठ, भरत भलामी र जयश्वर पन्थीबीच तीव्र प्रतिस्पर्धा रहेकामा पन्थी सभापति निर्वाचित भएका हुन् । कांग्रेस गुल्मीका सभापति भुवन श्रेष्ठ र सचिव खिलध्वज पन्थी सदरमकाुम तम्घास निवासी भएका कारण पनि रेसुंगा नगरपालिकामा सभापति चयन गर्न समय लागेको रेशम कुँवरले बताए ।

प्रकाशित : आश्विन २१, २०७८ ११:०१
प्रतिक्रिया
पठाउनुहोस्

कांग्रेस मुगु सभापतिमा ऐनबहादुर शाही निर्वाचित

राजबहादुर शाही

मुगु — नेपाली कांग्रेस मुगुको सभापतिमा ऐनबहादुर शाही निर्वाचित भएका छन् । निकटतम् प्रतिद्वन्द्वी संस्थापन इतर पक्षका खड्गबहादुर शाहीलाई ५६ मत अन्तरले हराउँदै ऐनबहादुर सभापति पदमा निर्वाचित भएका हुन् । उनले ४ सय ६ मत प्राप्त गरे । 

सभापतिसहित जिल्ला कार्यसमिति र महाधिवेशन प्रतिनिधिमा सर्वसम्मत नेतृत्व चयन हुन नसकेपछि मतदान भएको छ । भदौ १८ गते मतदान गरेर २१ गते मत गणना कार्य सम्पन्न गरिएको निर्वाचन अधिकृत नरेन्द्रबहादुर सिंहले बताए ।

सभापति पदका लागि कूल मत संख्या ७ सय ७२ मध्ये ७ सय ५६ मत सदर भएको र १६ मत बदर भएको थियो ।

जिल्लामा संस्थापन देउवा पक्षले सभापतिसहित २ जना सचिव, १ उपसभापति, १ सह-सचिवसहित १७ जना महाधिवेशन प्रतिनिधि र जिल्ला कार्यसमितिमा बहुमत सदस्य विजयी भए । संस्थापन इतर पक्षमा १ उपसभापति, १ सहसचिव, ७ जना महाधिवेशन प्रतिनिधि विजयी भए ।

संगठन सुदृढीकरण र आउँदो स्थानीय तह, प्रदेश र संसदीय निर्वाचनमा पार्टीलाई जिताउन जोड दिने नव निर्वाचित पार्टी सभापति शाहीले बताए ।

प्रकाशित : आश्विन २१, २०७८ १०:४६
पूरा पढ्नुहोस्
प्रतिक्रिया
पठाउनुहोस्
×