कालीगण्डकी गाउँपालिकाको वडा कार्यालयसहित ७ घरमा चोरी- लुम्बिनी - कान्तिपुर समाचार

कालीगण्डकी गाउँपालिकाको वडा कार्यालयसहित ७ घरमा चोरी

गगनशिला खड्का

गुल्मी — गुल्मीको कालीगण्डकी गाउँपालिकामा आइतबार राति एकैपटक ७ घरमा चोरी भएको छ । कालीगण्डकी गाउापालिकाको वडा नम्बर १ हर्मिचौरमा रहेको वडा कार्यालयसहित गाउँका ७ घरमा चोरी भएको वडाध्यक्ष थानिश्वर पाण्डेयले जानकारी दिए । 

उनले गाउँका छोराबुहारी बाहिर गएको मौका पारेर उनीहरुका कोठाहरू फोरेर चोरी गरिएको भेटिएको बताए । पाण्डेयले वडा कार्यालयमा के कति सामान चोरी भयो भनेर अझै विवरण प्राप्त गर्न नसकिएको जनाएका छन् ।

गणेश मन्दिरनजिकै गणेश मन्दिरबाट चुरा, नगद र सामान चोरी भएको, खेतमा छेउमा रहेको ग्यारेजबाट नगद, देवीराम पाण्डेको छोरा बुहारीको कोठा फोरिएको, विष्णु पाण्डेको पसलबाट १२ हजार, रमेश पाण्डेयको घरदेखि २२ हजार नगद र मोबाइल, पुरुषोत्तम पाण्डेयको छोरा बुहारी सुत्ने कोठा फोरिएको अवस्थामा रहेको छ ।

घटनाका बारेमा अनुसन्धान गर्न प्रहरी घटनास्थलमा गइरहेकाले क्षतिको विवरण प्राप्त गर्न अझै नसकिएको जिल्ला प्रहरी कार्यालय गुल्मीका प्रहरी नायब उपरीक्षक पुरुषोत्तम पाण्डेयले जानकारी दिए ।

प्रकाशित : आश्विन ११, २०७८ ०९:०६
प्रतिक्रिया
पठाउनुहोस्

च्याम्स विजयी

कान्तिपुर संवाददाता

सुनसरी — धरानमा सुरु च्यारिटेबल प्रथम सिंगापुर मितेरी फुटसल प्रतियोगिताको उद्घाटन खेलमा च्याम्स टिम विजयी भएको छ । च्याम्सले सिओन स्कुललाई ५–२ गोलले हरायो ।

असिम राईले दुई तथा दिवस सुनुवार, रोचक तिवारीे र साजन राईले १–१ गोल गरेका थिए । सिओनका सुदीप तामाङ र आशिष दर्नालले एक गोल गरे ।

मितेरी फुटसल र सिंगापुर लिफ टिमको संयुक्त आयोजनामा भएको प्रतियोगितामा ३६ टिमले भाग लिएको आयोजकका अध्यक्ष लुकेन्द्र राईले बताए । विजेताले १ लाख ११ हजार १ सय ११ तथा उपविजेताले ५५ हजार ५ सय ५५ रुपैयाँ पुरस्कार प्राप्त गर्नेछन् ।



प्रकाशित : आश्विन ११, २०७८ ०८:४७
पूरा पढ्नुहोस्
प्रतिक्रिया
पठाउनुहोस्
×