निजी अस्पतालमा नि:शुल्क सेवा - लुम्बिनी - कान्तिपुर समाचार

निजी अस्पतालमा नि:शुल्क सेवा 

रूपा गहतराज

नेपालगन्ज — नेपालगन्जमा लाइफलाइन जनरल हस्पिटल प्रालि सञ्चालनमा ल्याइएको छ ।

नेपालगन्ज उपमहानगरपालिकाको सहकार्यमा हरेक शनिबार नि:शुल्क जाँच तथा परामर्श सेवासमेत सुरु गरिएको हो । सर्वसाधारणले बिहान १० देखि दिउँसो १ बजेसम्म सेवा लिन सक्ने छन् ।

सदरलाइनस्थित हस्पिटलको शनिबार नेपालगन्ज उपमहानगरपालिकाका प्रमुखधवल शमशेर राणा र गोपाल श्रेष्ठले संयुक्त रुपमा उद्घाटन गरे ।

फिजिसियन डा पारस श्रेष्ठ, डा कृष्टिन श्रेष्ठ, दन्त चिकित्सक प्रतीक श्रेष्ठलगायतका चिकित्सकहरुले फिजिसियन, दन्त रोग, बाल रोग, छाला तथा सौन्दर्य, स्त्री रोग, नाक, कान, घाँटीलगायत रोगको उपचार सेवा प्रदान गरिने बताइएको छ ।

कार्यक्रममा नगर प्रमुख राणाले उपमहानगरपालिकाको सहकार्यमा निजी अस्पतालले समेत सामाजिक उत्तरदायित्व वहन गर्नु सुखद् पक्ष भएको बताए ।

डा गोपाल श्रेष्ठले अस्पतालले सस्तो र सुलभ रुपमा सेवा प्रदान गर्न सुझाए । कार्यक्रममा भेरी अस्पतालका मेसु डा प्रकाश थापा, नेपाल रेडक्रसका केन्द्रीय उपाधयक्ष अजीतकुमार शर्मालगायतले शुभकामना दिएका थिए ।

प्रकाशित : आश्विन २, २०७८ १६:४३
प्रतिक्रिया
पठाउनुहोस्

विश्‍वासको मत नपाए सहजै सरकार छाडिन्छ : मुख्यमन्त्री शाक्य

राजकुमार कार्की

सिन्धुली — वाग्मती प्रदेशकी मुख्यमन्त्री अष्टलक्ष्मी शाक्यले प्रदेश सरकार अल्पमतमा भएकाले विश्वासको मत नपाए सहजै छाड्ने बताएकी छन् । शनिबार सिन्धुली एमाले कार्यालयमा आयोजित कार्यक्रममा मुख्यमन्त्री शाक्यले आफू विश्वासको मत लिने तयारीमा रहेको बताएकी हुन् ।

उनले बाध्यतापूर्ण जिम्मेवारी आइलागेकाले मुख्यमन्त्री पदमा रहनु परेको चर्चा गर्दै शाक्यले छोटो समयमा राम्रो काम गर्ने दाबी गरिन् ।

सरकारको समय छोटो भनेर दिनगन्ती गर्नुको सट्टा काममा जुटेको मुख्यमन्त्री शाक्यले बताइन् । एमालेभित्र यतिबेला समस्या आएका काम गर्न अप्ठेरो भइरहेको भन्दै मुख्यमन्त्री शाक्यले फुटले शक्ति पैदा नहुने भएकाले आमने-सामने भएर छलफल गर्नुपर्ने धारणा राखिन् ।

माधव नेपाललाई एमालेमा फर्किन अनुरोध गर्दै उनले पार्टीमा व्यक्ति ठूलो नहुने बताइन् । हरिहरपुरगढी गाउँपालिकाको महेन्द्रझ्याडीमा विद्यालय भवन उद्घाटनका लागि आएकी यहाँ आएकी हुन् ।

प्रकाशित : आश्विन २, २०७८ १६:३०
पूरा पढ्नुहोस्
प्रतिक्रिया
पठाउनुहोस्
×