लुम्बिनीका पत्रकार चौहानको निधन
बुटवल — रूपन्देहीको लुम्बिनी क्षेत्रमा क्रियाशील पत्रकार बिन्दुकुमार चौहानको निधन भएको छ । भैरहवाको युनिभर्सल कलेज अफ मेडिकल साइन्स (यूसिएमएस) मा मंगलबार राति साढे १२ बजे उनको निधन भएको हो ।
तीन दिनअघि निमोनिया देखिएपछि ४५ वर्षीय चौहान लुम्बिनी प्रादेशिक अस्पताल भर्ना भएका थिए । अवस्था थप गम्भीर भएपछि यूसीएमएसमा लगिएको थियो ।
लुम्बिनी क्षेत्रमा रहेर दुई दशकदेखि पत्रकारिता गरिरहेका चौहान बुद्ध टेलिभिजन, बुटवल टुडे दैनिक र एबीसी टेलिभिजनमा कार्यरत थिए । चौहान नेपाल पत्रकार महासंघ लुम्बिनी प्रदेश समितिका सदस्य थिए ।
चौहानका पत्नी, चार छोरा र तीन छोरी छन् । उनको अन्तिम संस्कार लुम्बिनीनजिकको कोठी नदीमा गरिने पारिवारिक स्रोतले जनाएको छ ।
प्रतिक्रिया