कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

गुल्मीमा हराइरहेकी बालिका मृत फेला

गगनशिला खड्का

गुल्मी — गुल्मीमा शनिबारदेखि हराइरहेकी एक बालिका मृत अवस्थामा फेला परेकी छन् । मदाने गाउँपालिका–२ भेडिखोरकी तीन वर्षीया आयुषा पोखरेल आइतबार बिहान मृत अवस्थामा भेटिएको जिल्ला प्रहरी कार्यालयका प्रमुख गोपालचन्द्र भट्टराईले जानकारी दिए  ।

छिमेकीको घरमा खेल्दै गरेकी बालिका शनिबार बिहानदेखि बेपत्ता थिइन् । प्रहरी र स्थानीय मिलेर खोज्दा छिमेकीको घरबाट ३ सय मिटर परको झाडीमा शव भेटिएको एसपी भट्टराईले बताए ।

प्रारम्भिक अनुसन्धानमा चितुवाको आक्रमणबाट बालिकाको मृत्यु भएको हुन सक्ने देखिएको प्रहरीले जनाएको छ । ‘बालिकाको शव जंगलको नजिकै घााटीदेखि माथिल्लो भागमा चिथोरिएको अवस्थामा फेला परेको छ,’ प्रहरी निरीक्षक गोपाल रायमाझीले भने ।

प्रकाशित : भाद्र २७, २०७८ १२:००
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?