रक्तदान गरेर एमसीसीको विरोध

जुलुस, बन्द, हड्ताल र तोडफोडमा उत्रनुको सट्टा रचनात्मक तरिकाले रक्तदान गरेर एमसीसीको विरोध जनाएको युवा समूहका अगुवा प्रकाश अधिकारीले बताए । १५ युवाहरुले कालोपट्टी बाँधेर रक्तदान गरेको अर्का अगुवा लक्ष्मण शर्माले बताए । आन्दोलन र विरोधको शैली रचनात्मक हुनुपर्छ भन्ने सन्देश दिन यस्तो कार्यक्रम आयोजना गरेको उनले बताए ।

सचेत युवा समूहका नाममा सडक छेउमै टेन्ट टाागेर युवाहरुले रक्तदान गरेका थिए । नेपाल रेडक्रस सोसाइटी रक्तसञ्चार सेवा केन्द्र घोराहीले रक्तदान कार्यक्रममा प्राविधिक सहयोग गरेको थियो ।