रक्तदान गरेर एमसीसीको विरोध- लुम्बिनी - कान्तिपुर समाचार

रक्तदान गरेर एमसीसीको विरोध

दुर्गालाल केसी

काठमाडौँ — एमसीसीविरुद्ध यहाँका युवाहरुले रचनात्मक कार्यक्रम गरेका छन् । जिल्ला प्रशासन कार्यालय अगाडि शुक्रबार युवाहरु भेला भएर रक्तदान गरेका छन् ।

जुलुस, बन्द, हड्ताल र तोडफोडमा उत्रनुको सट्टा रचनात्मक तरिकाले रक्तदान गरेर एमसीसीको विरोध जनाएको युवा समूहका अगुवा प्रकाश अधिकारीले बताए । १५ युवाहरुले कालोपट्टी बाँधेर रक्तदान गरेको अर्का अगुवा लक्ष्मण शर्माले बताए । आन्दोलन र विरोधको शैली रचनात्मक हुनुपर्छ भन्ने सन्देश दिन यस्तो कार्यक्रम आयोजना गरेको उनले बताए ।

सचेत युवा समूहका नाममा सडक छेउमै टेन्ट टाागेर युवाहरुले रक्तदान गरेका थिए । नेपाल रेडक्रस सोसाइटी रक्तसञ्चार सेवा केन्द्र घोराहीले रक्तदान कार्यक्रममा प्राविधिक सहयोग गरेको थियो ।

प्रकाशित : भाद्र २५, २०७८ १७:४७
प्रतिक्रिया
पठाउनुहोस्

एमाले स्थायी कमिटी बैठक सर्‍यो 

कान्तिपुर संवाददाता

काठमाडौँ — एमाले स्थायी कमिटी बैठक बैठक सरेको छ । शक्रबार दिउँसो ४ बजेका लागि बोलाइएको बैठक शनिबार बिहानसम्मका लागि स्थगित भएको एमाले केन्द्रीय कार्यालय सचिव शेरबहादुर तामाङले जानकारी दिए ।

उनका अनुसार शनिबार बिहान ९ बजे तुल्सीलाल स्मृति प्रतिष्ठानमा च्यासलमा बैठक बस्नेछ ।

यो बैठकको एजेन्डामा विधान महाधिवेशनको प्रतिनिधि छनोट, दस्तावेज निर्माण र व्यवस्थापन रहेको एमालेले जनाएको छ । साथै संसद्को चालु अधिवेशनमा पार्टीको भूमिकालगायत विषय पनि रहेको सचिव तामाङले बताए ।

एमालेको विधान महाधिवेशन असोज ४ देखि ६ गतेसम्म गर्ने तयारी छ ।

प्रकाशित : भाद्र २५, २०७८ १७:४५
पूरा पढ्नुहोस्
प्रतिक्रिया
पठाउनुहोस्
×