भौतिक उपस्थितिमै पढाइ
रुकुम पूर्व — रुकुम पूर्वका दुई पालिकाका विद्यालयमा पढाइ सुरु भएको छ । स्वास्थ्य सुरक्षाका मापदण्ड पालना र आलोपालो गरेर भौतिक उपस्थितिमै पुथाउत्तरगंगा र भूमे गाउँपालिकामा पढाइ सुरु भएको हो ।
पुथाउत्तरगंगाका ५४ विद्यालयले पढाइ थालेका छन् । विद्यार्थी र शिक्षक आलोपालो गरी आउँछन् । गाउँपालिकाले गरेको कोरोना परीक्षणमा शिक्षकहरूको रिपोर्ट नेगेटिभ आएपछि विद्यालय खोलिएको हो ।
लामो समयदेखि पढाइ नभएको र अरू विधिबाट सम्भव नभएपछि भौतिक उपस्थितिमै पढाउन थालिएको गाउँपालिका उपाध्यक्ष ओमकुमारी शाही मल्लले बताइन् । जिल्लामा संक्रमण कम भएकाले पढाइ थालिएको पालिकाले जनाएका छन् ।
प्रकाशित : भाद्र २, २०७८ १२:३९