एटिएम तोडफोडको आरोपमा दुई किशोर पक्राउ- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

एटिएम तोडफोडको आरोपमा दुई किशोर पक्राउ

दुर्गालाल केसी

दाङ — बैंकको एटिएम तोडफोड गरेको आरोपमा घोराहीमा दुई जना पक्राउ परेका छन् । पक्राउ पर्नेमा घोराही उपमहानगरपालिका १३ मङलेरीका १८ वर्षीय सुवास विक र सुन्दरनगर टोलका १८ वर्षीय प्रकाश भुसाल छन् ।

मंगलबार राति घोराही १५ शहीद गेट नजिकैको कुमारी बैंक लिमिटेडको एटिएम मेसिन तोडफोड गरी फरार भएका ती किशोरहरुलाई शनिबार घोराही १५ मा लुकीछिपी बसेको अवस्थामा पक्राउ गरिएको जिल्ला प्रहरी प्रवक्ता डिएस्पी मुकुन्दप्रसाद रिजालले बताए । उनका अनुसार घटनाबारे अनुसन्धान भइरहेको छ ।

प्रकाशित : श्रावण १७, २०७८ १६:५९
प्रतिक्रिया
पठाउनुहोस्

'क्यूआर कोड' सहितको खोप प्रमाण पत्र माग्दै प्रदर्शन [तस्बिरहरु]

तस्बिर : केशव थापा

काठमाडौँ — कोभिड–१९ विरुद्धको खोप लगाएको ‘क्यूआर कोड’ सहितको प्रमाण पत्र नदिएको भन्दै वैदेशिक रोजगारीमा जानेहरुले प्रदर्शन गरेका छन् । वैदेशिक रोगजारीका लागि कुवेत जान लागेकाहरुले आइतबार काठमाडौंको भद्रकालीमा प्रदर्शन गरेका हुन् ।

वैदेशिक रोजगारीमा जाने युवाहरुलाई सरकारले खोपको व्यवस्था गरेपनि विभिन्न देशहरुले खोप लगाएको प्रमाणित गर्न 'क्यूआर कोड'सहितको प्रमाण पत्र माग्ने हुँदा उनीहरु काममा फर्कन पाएका छैनन् । खोप लगाएर फेरि कुवेत फर्कन तयार धेरैको कम्पनीले दिएको बिदा सकिन लागेको तर नेपाल सरकारले भने खोप लगाएको 'क्यूआर कोड' भएको प्रमाण पत्र दिन चासो नदेखाएपछि वैदेशिक रोजगारीमा जानेहरु बेरोजगार हुने चिन्तामा छन् । खोप लगाएर कुवेत फर्कन ‘क्यूआर कोड’ भएको प्रमाण पत्र कुरेर काठमाडौंमा बसेका करिब ५ सय युवाहरु दैनिक स्वास्थ मन्त्रालय र टेकु अस्पताल धाउँदाधाउँदै हैरान भएको बताए । वैदेशिक रोजगारी एवं अन्य कामकाजको सिलसिलामा अन्तर्राष्ट्रिय यात्रा गर्नेले खोप लगाएको 'क्यूआर कोड'सहितको प्रमाण पत्र पेस गर्नुपर्ने हुन्छ ।


प्रकाशित : श्रावण १७, २०७८ १६:५३
पूरा पढ्नुहोस्
प्रतिक्रिया
पठाउनुहोस्
×