प्रदेश सांसद वली नेपालगन्जमा हुनुहुन्छ : प्रहरी- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

प्रदेश सांसद वली नेपालगन्जमा हुनुहुन्छ : प्रहरी

'घाँटीमा समस्या देखिएकाले फोन नउठाएको बताउनुभएको छ । अरू कुनै समस्या भएको देखिएन ।’ -एसपी सुरेशप्रसाद काफ्ले
दुर्गालाल केसी

दाङ — माओवादी केन्द्रले आफूहरूको सम्पर्कबाहिर रहेकी भनेको लुम्बिनी प्रदेश सांसद विमलाकुमारी खत्री वली नेपालगन्जमा रहेको प्रहरीले बताएको छ । 

प्रदेश सांसद विमला वली ।

उनी फोन सम्पर्कमा आएको र उपचारका क्रममा नेपालगन्जमा रहेको जानकारी दिएको दाङका प्रहरी प्रमुख एसपी सुरेशप्रसाद काफ्लेले बताए । ´मैले उहाँसँग फोनमा कुरा गरेको छु । उहाँ ठीक हुनुहुन्छ । उपचारका लागि नेपालगन्ज छु भन्नुभएको छ,' एसपी काफ्लेले भने, 'घाँटीमा समस्या देखिएकाले फोन नउठाएको बताउनुभएको छ । अरू कुनै समस्या भएको देखिएन ।’

दाङका प्रमुख जिल्ला अधिकारी रामबहादुर कुरूम्बाङले पनि सांसद वली सम्पर्कमै रहेको बताए । फोनमा कुरा भैरहेको र कुनै समस्या नरहेको उनको भनाइ छ ।

वली दाङ ३ (ख) की सांसद हुन् । एमालेबाट निर्वाचित पति उत्तरकुमार वलीको मृत्यु भएपछि उनी उपनिर्वाचनमार्फत चुनिएकी हुन् । तत्कालीन नेकपाबाट जितेकी उनले पार्टी विभाजनपछि भने माओवादी केन्द्र रोजेकी थिइन् । यद्यपि एमालेले सूर्य चिन्हबाट लडेको सांसद भन्दै उनलाई सत्तापक्षमा कुर्सी राख्न प्रदेश सभालाई पत्राचार गरेको थियो । माओवादी केन्द्रले एमालेले उनलाई आफ्नो कब्जामा लिएको आरोप लगाएको छ ।

प्रकाशित : श्रावण १६, २०७८ १३:१०
प्रतिक्रिया
पठाउनुहोस्

सडक निर्माणका क्रममा खनिएको खाल्डोमा मोटरसाइकल खस्दा एकको मृत्यु

दुर्गालाल केसी

दाङ — दाङमा मंगलबार बिहान मोटरसाइकल दुर्घटना हुँदा एक जनाको मृत्यु भएको छ ।

घोराही–तुलसीपुर सडकखण्डअन्तर्गत तुलसीपुर उमहानगरपालिका–७ पर्सेनीमा रा ६ प ७२५ नम्बरको मोटरसाइकल पल्टिँदा तुलसीपुर–१० राइखलियानका ३५ वर्षीय चुडामणि भण्डारीको मृत्यु भएको छ । घोराही–तुलसीपुर चार लेन सडक निर्माणका क्रममा खनिएको खाल्डोमा मोटरसाइकल खस्दा चालकको घटनास्थलमै मृत्यु भएको जिल्ला प्रहरी प्रवक्ता डीएसपी मुकुन्दप्रसाद रिजालले बताए ।

घोराही–तुलसीपुर चार लेन सडक निर्माण कार्य अलपत्र हुँदा यात्रा जोखिमपूर्ण भएको छ । सडक किनार भत्काएको र बीचबीचमा ह्युमपाइप हाल्ने खाल्डाहरु खनिदा यातायातका साधन सञ्चालनमा निकै कठिन हुने गरेको छ ।


प्रकाशित : श्रावण १२, २०७८ १०:३३
पूरा पढ्नुहोस्
प्रतिक्रिया
पठाउनुहोस्
×