सडक निर्माणका क्रममा खनिएको खाल्डोमा मोटरसाइकल खस्दा एकको मृत्यु- लुम्बिनी - कान्तिपुर समाचार

सडक निर्माणका क्रममा खनिएको खाल्डोमा मोटरसाइकल खस्दा एकको मृत्यु

दुर्गालाल केसी

दाङ — दाङमा मंगलबार बिहान मोटरसाइकल दुर्घटना हुँदा एक जनाको मृत्यु भएको छ ।

घोराही–तुलसीपुर सडकखण्डअन्तर्गत तुलसीपुर उमहानगरपालिका–७ पर्सेनीमा रा ६ प ७२५ नम्बरको मोटरसाइकल पल्टिँदा तुलसीपुर–१० राइखलियानका ३५ वर्षीय चुडामणि भण्डारीको मृत्यु भएको छ । घोराही–तुलसीपुर चार लेन सडक निर्माणका क्रममा खनिएको खाल्डोमा मोटरसाइकल खस्दा चालकको घटनास्थलमै मृत्यु भएको जिल्ला प्रहरी प्रवक्ता डीएसपी मुकुन्दप्रसाद रिजालले बताए ।

घोराही–तुलसीपुर चार लेन सडक निर्माण कार्य अलपत्र हुँदा यात्रा जोखिमपूर्ण भएको छ । सडक किनार भत्काएको र बीचबीचमा ह्युमपाइप हाल्ने खाल्डाहरु खनिदा यातायातका साधन सञ्चालनमा निकै कठिन हुने गरेको छ ।


प्रकाशित : श्रावण १२, २०७८ १०:३३
प्रतिक्रिया
पठाउनुहोस्

दुईजना चरेस कोरोबारी पक्राउ

दुर्गालाल केसी

दाङ — करिब १० केजी चरेससहित प्रहरीले दुई जना कारोबारीलाई पक्राउ गरेको छ । निसीखोला गाउँपालिका १ बागलुङका २१ वर्षीय सुदिप सिंजाली मगर र बडिगाड-२का ३० वर्षीय रेमबहादुर भुजेललाई ९ केजी ३० ग्राम चरेससहित बुधबार पक्राउ गरिएको जिल्ला प्रहरी कार्यालय दाङले जनाएको छ ।

मगरलाई गढवा गाउँपालिका १ धानखोलस्थित एक होटलबाट र भुजेललाई लमहीबाट पक्राउ गरिएको डीएसपी मुकुन्दप्रसाद रिजालले बताए । धानखोलामा चरेश बिक्री गरेपनि मगरले पैसा भने लमहीमा बुझ्ने गरेको प्रहरीले जनाएको छ ।

लागू औषध नियन्त्रण ऐन २०३३ अनुसार मुद्दा दायर गरि थुनामा राखेर थप अनुसन्धान गरिरहेको प्रहरीले जनायो ।उनीहरुलाई बिहीबार जिल्ला प्रहरी कार्यालयमा पत्रकार सम्मेलन गरी सार्वजनिक गरिएको थियो ।

प्रकाशित : श्रावण ७, २०७८ १८:११
पूरा पढ्नुहोस्
प्रतिक्रिया
पठाउनुहोस्
×