सडक निर्माणका क्रममा खनिएको खाल्डोमा मोटरसाइकल खस्दा एकको मृत्यु
दाङ — दाङमा मंगलबार बिहान मोटरसाइकल दुर्घटना हुँदा एक जनाको मृत्यु भएको छ ।
घोराही–तुलसीपुर सडकखण्डअन्तर्गत तुलसीपुर उमहानगरपालिका–७ पर्सेनीमा रा ६ प ७२५ नम्बरको मोटरसाइकल पल्टिँदा तुलसीपुर–१० राइखलियानका ३५ वर्षीय चुडामणि भण्डारीको मृत्यु भएको छ । घोराही–तुलसीपुर चार लेन सडक निर्माणका क्रममा खनिएको खाल्डोमा मोटरसाइकल खस्दा चालकको घटनास्थलमै मृत्यु भएको जिल्ला प्रहरी प्रवक्ता डीएसपी मुकुन्दप्रसाद रिजालले बताए ।
घोराही–तुलसीपुर चार लेन सडक निर्माण कार्य अलपत्र हुँदा यात्रा जोखिमपूर्ण भएको छ । सडक किनार भत्काएको र बीचबीचमा ह्युमपाइप हाल्ने खाल्डाहरु खनिदा यातायातका साधन सञ्चालनमा निकै कठिन हुने गरेको छ ।
प्रतिक्रिया