६ महिना अघि हराएका ३ बालबालिका भेटिए- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

६ महिना अघि हराएका ३ बालबालिका भेटिए

रूपा गहतराज

नेपालगन्ज — ६ महिना अघि कोहलपुरबाट हराएका ३ जना बालबालिकालाई भारतको बरेलीबाट उद्धार गरेर कोहलपुर ल्याइएको छ ।

भारतको बरेलीस्थित एक बालगृहमा भेटिएका कोहलपुर नगरपालिका वडा नं ४ का ७ देखि ९ वर्षका दुई बालक र एक बालिकालाई उद्धार गरी कोहलपुर पुर्‍याइएको कोहलपुर–४ का वडा अध्यक्ष तिरथराम थारुले बताए । ।

वडा अध्यक्ष थारु लागतयतको टोलीले बरेलीबाट उद्धार गरी प्रवासी मित्र मञ्चको सहयोगमा रुपन्देही हुँदै सोमबार बिहान उनीहरुलाई कोहलपुर पर्‍याएको हो । तीनै जना बालबालिकालाई कोहलपुर नगरपालिकाका प्रमुख लुटबहादुर रावतको रोहबरमा आफन्तको जिम्मा लगाइएको छ ।

उद्धारका लागि भारतको बरेली पुगेर फर्किएका कोहलपुर–४ का वडा अध्यक्ष तिरथराम थारुका अनुसार ६ महिना अघि कोहलपुरबाट हराएका ती बालबालिकाहरु एक भारतीय ट्रकमा बरेली पुगेका हुन् । बरेली बजारको २/३ किलोमिटर यतै भारतीय ट्रकले ती बालबालिकालाई ट्रकबाट झारिदिएको थियो ।

ट्रकले झारिदिएपछि अलपत्र अवस्थामा सडकमा हिँडिरहेका उनीहरुलाई भारतीय प्रहरीले उद्धार गरेर एक स्थानीय संरक्षण संस्थाको जिम्मा लगाएको थियो ।

वडा अध्यक्ष थारुका अनुसार कैलाली पुनर्वास घर भइ हाल बरेलीमा बस्ने एक नेपालीले स्थानीय समाचार हेरेपछि ५ जना नेपाली बालबालिका बरेली बालगृहमा रहेको थाहा पाएका थिए । सोही सूचनाको आधारमा वडा अध्यक्ष थारु भारतको बरेली पुगेर बालबालिकालाई भेट्नुका साथै नेपाल ल्याउनका लागि पहल सुरु गरेका थिए ।

उद्धार गरिएका एक बालकले कोहलपुर–४ बेलनपुरबाट आफूहरु खेल्दै कोहलपुर चौराहा पुगेको र त्यही भेटिएका एक व्यक्तिले घुम्न जाऊँ भन्दै रुपडिहा हुँदै बरेली लगेर भागेको बताए ।

प्रकाशित : श्रावण ११, २०७८ १७:३४
प्रतिक्रिया
पठाउनुहोस्

मन्दिर दर्शनका लागि जाँदै गरेकी महिलाको मृत्यु

रूपा गहतराज

नेपालगन्ज — बाँकेको नरैनापुर गाउँपालिकामा रहेको सन्तानेश्वर महादेव मन्दिर दर्शनका लागि जाँदै गरेकी महिलाको मृत्यु भएको छ ।

नेपालगन्ज उप–महानगरपालिका वडा नम्बर–१ धम्बोझी घर भएकी ४० वर्षीया निलम जैसवालको मृत्यु भएको जिल्ला प्रहरी कार्यालय बाँकेका प्रवक्ता प्रहरी नायब उपरीक्षक (डिएसपी) मधुसुधन न्यौपानेले बताए ।

‘मन्दिर दर्शनका लागि जाँदै गर्दा उहाँ बाटोमा हिँड्दै गर्दा बेहोस हुनुभएको थियो,’ उनले भने, ‘प्रहरीले त्यहाँबाट उद्धार गरेर भेरी अस्पताल ल्याएपनि चिकित्सकले मृत घोषणा गर्नुभएको हो ।’

सन्तानेश्वर महादेव मन्दिर नजिकै रहेको कुटीमा उनी बेहोस भएको इलाका प्रहरी कार्यालय भगवानपुरले जनाएको छ । मन्दिर नजिकै रहेको कुटीमा पुग्दा बेहोस भएपछि स्ट्रेचरमा राखेर उनलाई तल एम्बुलेन्ससम्म ल्याइएको थियो ।

शनिबार चर्को घाम लागेकाले समेत मन्दिर दर्शनका कारण गएका मानिसहरुलाई समस्या भएको थियो ।

प्रकाशित : श्रावण १०, २०७८ १४:३५
पूरा पढ्नुहोस्
प्रतिक्रिया
पठाउनुहोस्
×