पाल्पामा ट्र्याक्टर दुर्घटना हुँदा एकको मृत्यु, एक घाइते
पाल्पा — तिनाउ गाउँपालिका–२, दोभान माराबास भित्री सडकमा आइतबार भएको ट्र्याक्टर दुर्घटनामा एक जनाको मृत्यु भएको छ भने एक जना घाइते भएका छन् ।
दोभानबाट सिस्नेरीतर्फ गएको लु २ त २५३ नम्बरको ट्र्याक्टर दुर्घटनामा तिनाउ गाउँपालिका–३ का ३६ वर्षीय दुर्गाबहादुर गाहाको मृत्यु भएको प्रहरीले जनाएको छ । दुर्घटनामा तिनाउ–२, दोभानका ४२ वर्षीय एकबहादुर थापा घाइते भएका छन् ।
दुर्घटनाग्रस्त ट्र्याक्टर सडकबाट १५ मिटर तल खसेको छ । स्थानीयका अनुसार अनियन्त्रित भई दुर्घटना भएको हो । थप अनुसन्धान भइरहेको प्रहरीले जनाएको छ ।