दाङ — दाङमा मंगलबार बेलुका बस दुर्घटना हुँदा १२ जना घाइते भएका छन् । सल्यानबाट नेपालगञ्ज जाँदै गरेको रा १ ख २४३९ नम्बरको बस तुलसीपुर उपमहागनरपालिका ३ शिरखोलामा पल्टिएको इलाका प्रहरी कार्यालय तुलसीपुरले जानकारी दिएको छ ।
घाइते सबैको राप्ती प्रादेशिक अस्पताल तुलसीपुरमा उपचार भइरहेको तुलसीपुरका प्रहरी निरिक्षक झलक शर्माले बताए ।
घाइतेहरु सबैको अवस्था सामान्य रहेको उनले बताए ।
सडक चिप्लो र घुमाउरो भएका कारण बस चिप्लेर सडकबाट करिब ५० मिटर तल खसेको उनले जानकारी दिए ।