पाल्पामा टिपर दुर्घटना : एकको मृत्यु, ४ जना सख्त घाइते

यसैगरी घाइतेहरु सोही गाउँकै टिपर चालक ३८ वर्षीय अशोक कुँवर, ४२ वर्षीय रमा कुँवर, ललितपुरका २६ वर्षीय टिपर चालक राजेन्द्र बजगाई, नवलपरासी सुनवल–९, का २२ वर्षीय किसन कुँवर रहेको प्रहरीले जनाएको छ । घाइते चार जनाकै अवस्था गम्भीर रहेको प्रहरी नायब उपरीक्षक रामेश्वर त्वातीले बताए । दुर्घटनामा घाइते भएका सबैलाई पाल्पा तानसेनको मिसन अस्पतालमा उपचार भइरहेको छ ।

बुटवलबाट गुल्मी जाँदै गरेका बा ४ ख ७३ २० र प्रदेश ३–०२ ००१ क ०२५० नम्बरको टिपर दुर्घटनामा परेका हुन् । बा ४ ख ७३२० नम्बरको टिपरले अर्काे टिपरलाई ठक्कर दिँदा दुवै टिपर भीरबाट खसेका थिए । प्रत्यक्षदर्शी विनोद शर्माका अनुसार दुवै टिप्परले सिमन्ट बोकेर गुल्मी जाँदै थिए । दुर्घटनाग्रस्त टिपर सडकदेखि झण्डै २ सय २० मिटर तल खसेको छ ।