३०.१२°C काठमाडौं
सैनामैनामा प्रधानमन्त्री र उपप्रधानमन्त्रीको पुत्ला दहन
तिलोत्तमा — उपप्रधान तथा सहरी विकासमन्त्री राजेन्द्र महतोले संविधान विरोधी अभिव्यक्ति दिएको भन्दै रुपन्देहीको सैनामैनामा प्रधानमन्त्री केपी शर्मा ओली र उपप्रधानमन्त्री राजेन्द्र महतोको पुत्ला जलाइएको छ ।
आइतबार सैनामैना नगरपालिका–४ मुर्गियास्थित पूर्व–पश्चिम सडकखण्डमा नेकपा (माओवादी केन्द्र) निकट योङ कम्युनिष्ट लिग (वाइसीएल) सैनामैना नगर समितिले विरोध प्रदर्शन गर्दै ओली र महतोको पुत्ला जलाएका हुन् ।
प्रधानमन्त्री ओलीले संविधान विरोधी र एकपछि अर्को राष्ट्रघाती काम गर्दै गएको तथा उपप्रधानमन्त्री महतोले बहुल राष्ट्रिय राज्यको स्थापनाको लागि राष्ट्रिय मुक्ति आन्दोलनको तयारी गर्ने अभिव्यक्ति दिएका कारण उनीहरुको पुत्ला जलाइएको वाइसीएल सैनामैना नगर समितिका अध्यक्ष गोविन्द खरेलले बताए । पुत्ला दहन गर्नुपूर्व उनीहरुले सरकारविरुद्ध नाराबाजी समेत गरेका थिए ।
प्रकाशित : जेष्ठ २३, २०७८ २०:३१
