कोरोनाबाट भैरहवामा थप चार जनाको मृत्यु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

कोरोनाबाट भैरहवामा थप चार जनाको मृत्यु

माधव ढुंगाना

भैरहवा — भैरहवाको भीम अस्पताल र युनिभर्सल शिक्षण अस्पतालमा उपचार गराइरहेका थप चार जना कोरोना संक्रमितको मृत्यु भएको छ । मृत्यु हुनेमा तीन जना पुरुष र एक महिला छन् ।  

भीम अस्पतालका सूचना अधिकृत डा. नारायण पोखरेलका अनुसार सिद्धार्थनगर नगरपालिका–६ का ७७ वर्षीय पुरुषको बिहीबार राति १२:४० मा मृत्यु भएको थियो । उनी गत सोमबारदेखि भर्ना भई उपचाररत थिए ।

रूपन्देहीको गैडहवा गाउँपालिका–२ का ५५ वर्षीय अर्का एक संक्रमित पुरुषको पनि राति १२:२५ मा मृत्यु भएको छ । उनी जेठ २ गते अस्पताल भर्ना भएका थिए ।

युुनिभर्सल शिक्षण अस्पतालमा दुवै जना बिरामीको शुक्रबार बिहान मृत्यु भएको हो । नवलपरासीको बर्दघाट नगरपालिका–४ का ६७ वर्षीय एक पुरुष र लुम्बिनी सांस्कृतिक नगरपालिका–१० की ७० वर्षीया एक महिलाको मृत्यु भएको अस्पतालका प्रशासन संयोजक तेज केसीले बताए ।


प्रकाशित : जेष्ठ १४, २०७८ ०९:४४
प्रतिक्रिया
पठाउनुहोस्

भैरहवामा कोरोनाबाट थप पाँचको मृत्यु

माधव ढुंगाना

भैरहवा — भैरहवाका दुई अस्पतालमा उपचाररत थप पाँच जना कोरोना संक्रमित बिरामीको मृत्यु भएको छ । भीम अस्पतालमा चार र युनिभर्सल शिक्षण अस्पतालमा एक जना संक्रमितको मृत्यु भएको हो । 

भीम अस्पतालका सूचना अधिकृत डा. नारायण पोखरेलका अनुसार कपिलवस्तुको शिवराज नगरपालिकास्थित समितिचोकका २३ वर्षीय एक युवक, रूपन्देहीको सैनामैना नगरपालिका–२ का ७० वर्षीय, सैनामैना–१ का ४६ वर्षीय, सिद्धार्थनगर–१ का ५१ वर्षीय पुरुषको मृत्यु भएको छ ।

कपिलवस्तुका २३ वर्षीय ती युवकलाई गत वैशाख ३१ गतेदेखि भेन्टिलेटरमा राखेर उपचार गरिए पनि बचाउन नसकिएको उनले बताए ।युनिभर्सल शिक्षण अस्पतालका प्रशासन संयोजक तेज केसीले सिद्धार्थनगर नपा–३ का ७४ वर्षीय एक पुरुषको मृत्यु भएको बताए ।


प्रकाशित : जेष्ठ १३, २०७८ १०:१६
पूरा पढ्नुहोस्
प्रतिक्रिया
पठाउनुहोस्
×