कोरोनाबाट भैरहवामा थप चार जनाको मृत्यु

भीम अस्पतालका सूचना अधिकृत डा. नारायण पोखरेलका अनुसार सिद्धार्थनगर नगरपालिका–६ का ७७ वर्षीय पुरुषको बिहीबार राति १२:४० मा मृत्यु भएको थियो । उनी गत सोमबारदेखि भर्ना भई उपचाररत थिए ।

रूपन्देहीको गैडहवा गाउँपालिका–२ का ५५ वर्षीय अर्का एक संक्रमित पुरुषको पनि राति १२:२५ मा मृत्यु भएको छ । उनी जेठ २ गते अस्पताल भर्ना भएका थिए ।

युुनिभर्सल शिक्षण अस्पतालमा दुवै जना बिरामीको शुक्रबार बिहान मृत्यु भएको हो । नवलपरासीको बर्दघाट नगरपालिका–४ का ६७ वर्षीय एक पुरुष र लुम्बिनी सांस्कृतिक नगरपालिका–१० की ७० वर्षीया एक महिलाको मृत्यु भएको अस्पतालका प्रशासन संयोजक तेज केसीले बताए ।