बर्दियामा कोरोनाबाट थप दुई जनाको मृत्यु
बर्दिया — बर्दियामा थप २ जना कोरोना संक्रमितको मृत्यु भएको छ ।
जिल्ला स्वास्थ्य कार्यालयका अनुसार मंगलबार राजापुर नगरपालिका—४ की ५५ वर्षीया महिलाको मृत्यु भएको छ । उनको होम आइसोलेसनमा मृत्यु भएको जिल्ला स्वास्थ्य कार्यालय बर्दियाका सूचना अधिकारी नरेश श्रेष्ठले जनाए । वैशाख २० गते भेरी अस्पतालमा भर्ना भइ २१ गते डिस्चार्ज भएर होम आइसोलेसनमा बसेकी थिइन् ।
यसैगरी ठाकुरबाबा नगरपालिका—३ का ५५ वर्षीय पुरुषको उपचारकै क्रममा आर्मी अस्पतालमा मृत्यु भएको उनले बताए । उनलाई वैशाख २६ गते कोरोना संक्रमित अस्पतालमा भर्ना गरिएको थियो ।
पछिल्लो २४ घण्टामा बर्दियामा ८ जना कोरोना संक्रमितको मृत्यु भएको स्वास्थ्य कार्यालयले जनाएको छ ।
प्रकाशित : वैशाख २८, २०७८ १६:५५