बुटवलमा थप तीन संक्रमितको मृत्यु
तिलोत्तमा — रुपन्देहीको बुटवलस्थित कोरोना विशेष अस्पतालमा थप तीन संक्रमितको मृत्यु भएको छ । मृत्यु हुनेमा २ पुरुष र एक महिला रहेका छन् ।
गत वैशाख १७ गते अस्पताल भर्ना भएका कपिलवस्तुको बनगाई–८ का ४३ वर्षीय पुरुषको आइतबार राति साढे ८ बजे, १८ गते भर्ना भएकी दाङको तुलसीपुर–५ की ३७ वर्षीया महिलाको राति १० बजे र २३ गते भर्ना भएका रुपन्देहीको तिलोत्तमा–२ का ५६ वर्षीय पुरुषको ९ बजेर ५० मिनेटमा मृत्यु भएको अस्पतालका प्रवक्ता डा. विष्णु गौतमले बताए ।
उनका अनुसार आईसीयूमा उपचाररत ती बिरामीमा श्वासप्रश्वासको समस्या थियो ।
प्रतिक्रिया