भारतबाट अक्सिजन ल्याइएपछि नेपालगन्ज मेडिकल कलेजमा बिरामी भर्ना सुरु- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

भारतबाट अक्सिजन ल्याइएपछि नेपालगन्ज मेडिकल कलेजमा बिरामी भर्ना सुरु

मधु शाही

बाँके — कोहलपुरस्थित नेपालगन्ज मेडिक शिक्षण अस्पतालमा आइतबार अक्सिजन लिक्वीड आइपुगेपछि बिरामी भर्ना सुरु गरिएको छ । उक्त अस्पतालमा अक्सिजन अभावमा एक सातादेखि बिरामी भर्ना रोकिएको थियो । 

‘अहिले केही बिरामी भर्ना गर्न सुरु गरेका छौं’, अस्पतालका उपनिर्देशक डा. दिनेश श्रेष्ठ ले भने,‘यद्यपि यति अक्सिजन प्रयाप्त होइन ।’ उनका अनुसार विरगन्ज नाका हुँदै भारतको जम्सेदपुरबाट एक ट्यांक लिक्वीट अक्सीजन आइतबार दिउँसो अस्पतालमा आइपुगको छ । एक ट्यांकर लिक्वीट अक्सिजन पाँच दिनसम्म पुग्न सक्ने उनले बताए ।

'हरेक १५/१५ दिनमा एक ट्र्यांकर लिक्वीड अक्सिजन ल्याउने कुरा छ । तर, भारतले नियमित दियो भने समस्या हुँदैन,' डा. श्रेष्ठले भने ।

प्रकाशित : वैशाख २६, २०७८ १९:२९
प्रतिक्रिया
पठाउनुहोस्

बेलझुण्डी अस्पतालमा एकै दिन ५ जना संक्रमितको मृत्यु

दुर्गालाल केसी

दाङ — कोरोना विशेष अस्पताल बेलझुण्डीमा आइतबार ५ जना कोरोना संक्रमितको मृत्यु भएको छ ।

घोराही उपमहानगरपालिका–७ का ४१ वर्षीय पुरुष, घोराही १४ का ५९ वर्षीय पुरुष, तुलसीपुर उपमहानगरपालिका–७ की ५८ वर्षीया महिला, बबई गाउँपालिका–४ की २७ वर्षीया महिला र दंगिशरण गाउँपालिका–६ की ५३ वर्षीया महिलाको उपचारका क्रममा मृत्यु भएको अस्पतालका व्यवस्थापक दोर्ण वलीले बताए ।

अहिलेसम्म अस्पतालमा ३३ जनाको मृत्यु भइसकेको उनले बताए । बिरामीहरुलाई श्वासप्रश्वासको समस्यासँगै निमोनिया भएको थियो । अस्पतालमा हाल ६८ बिरामी छन् ।

हालसम्म जिल्लामा १ सय ४ जनाको मृत्यु भएको स्वास्थ्य कार्यालय दाङले जानकारी दिएको छ । जिल्लामा हाल २ हजार ४ सय ८१ सक्रिय संक्रमित रहेको स्वास्थ्य कार्यालय प्रमुख अंगदबहादुर शाहीले बताए । उनका अनुसार आइतबार मात्रै ४ सय ६७ जनालाई कोरोना संक्रमण भएको छ ।

प्रकाशित : वैशाख २६, २०७८ १९:२६
पूरा पढ्नुहोस्
प्रतिक्रिया
पठाउनुहोस्
×