बाँकेमा कोरोनाबाट थप पाँच जनाको मृत्यु
नेपालगन्ज — बाँकेमा कोरोना संक्रमणबाट शनिबार रातभरिमा पाँच जनाको ज्यान गएको छ । नेपालगन्ज उपमहानगरपालिका–१५ का ७३ वर्षीय पुरुष र नेपालगन्ज उपमहानगरपालिका–२ की ५३ वर्षीया महिलाको भेरी अस्पतालमा उपचारका क्रममा मृत्यु भएको अस्पतालले जनाएको छ ।
यस्तै कैलालीको लम्कीचुहाका ४३ वर्षीय पुरुष, दाङको तुलसीपुर उपमहानगरपालिका–६ का ४१ वर्षीय पुरुष र नेपालगन्ज–११ का ४३ वर्षीय पुरुषको कोहलपुर मेडिकल कलेज नेपालगन्जमा मृत्यु भएको हो ।
बाँकेका कोरोना फोकल पर्सन तेज वलीका आनुसार यससँगै बाँकेमा कोरोनाबाट मृत्यु हुनेको संख्या १ सय ८० पुगेको छ । बाहिरी जिल्लाबाट बाँकेमा उपचार गराउन आएका मध्ये १ सय ३६ जनाको मृत्यु भएको छ ।
प्रतिक्रिया